Ալեքսանդրի գնայուկ
| Ալեքսանդրի գնայուկ | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Chylotomus alexandri
|
Ալեքսանդրի գնայուկ (լատին․՝ Chylotomus alexandri), գնայուկ բզեզների ընտանիքին պատկանող միջատ։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
13-16,5 մմ երկարությամբ միջին չափսի, նեղ, բավականին ուռուցիկ մարմնով բզեզ է։ Մարմնի վերին մասի գունավորումը վառ կապույտ է և փայլուն մետաղական, իսկ ստորինը՝ սև գույնի[1]։
Տարածվածություն[խմբագրել | խմբագրել կոդը]
Հայաստանի էնդեմիկ է։ Միակ մեկուսացած պոպուլյացիան գտնվում է Օձասար լեռան հարավային լանջին՝ Արարատի մարզի Քաղցրաշեն գյուղի մոտ[1]։
Էկոլոգիա[խմբագրել | խմբագրել կոդը]
Ապրում է մացառուտներով քարքարոտ լանջերում, հանդիպում՝ մայիսի վերջին և հունիսի առաջին կեսին, ցերեկը թաքնվում են քարերի տակ, բզեզները և թրթուրները սնվում են սերմերով[1]։
Պահպանություն[խմբագրել | խմբագրել կոդը]
Սահմանափակ արեալով հազվագյուտ տեսակ է, ոչ մեծ՝ առավելապես միջինասիական ցեղի ամենաարևմտյան ներկայացուցիչն է։ Բնության պահպանության միջազգային միության Կարմիր ցուցակի չափորոշիչներով ներկայումս գնահատվում է որպես կրիտիկական վիճակում գտնվող տեսակ։
Թվաքանակը կայուն ոչ բարձր է։
Վտանգման հիմնական գործոնները հայտնի չեն։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.