Ազգային բեմ

Վիքիպեդիայից՝ ազատ հանրագիտարանից
Jump to navigation Jump to search
«Ազգային բեմադրություն» թատրոնի շենքը

Ազգային բեմադրություն (նորվ.՝ Den Nationale Scene), Նորվեգիայի հնագույն թատրոնը՝ տեղակայված Բերգեն քաղաքում։ Թատրոնի շենքի դիմաց տեղադրված են դրամատուրգ Բյոռնստեռնե Բյոռնսոնի և Նուրդալ Գրիգի հուշարձանները։

Պատմություն[խմբագրել | խմբագրել կոդը]

Թատրոնը բացվել է 1850 թ.-ին կոմպոզիտոր և ջութակահար Բյուլ Ուլեի կողմից։ 1863թ.-ին թատրոնը ֆինանսական խնդիրների պատճառով դադարել է գործունեությունը։ Թատրոնի գործունեության ընթացքում Բյուլը հրավիրել է այն ժամանակ դեռևս անհայտ Հենրիկ Իբսենին, ով 1851 1857 թթ.-ին «Ազգային բեմ» թատրոնում որպես ռեժիսոր և բեմադրությունների ցուցակագրող։ Իբսենից հետո գեղարվեստական ղեկավար դարձավ Բյոռնսոնը (1857—1859)[1]:

1876թ.-ին ստեղծվեց Ազգային բեմադրություն ֆոնդը և թատրոնի աշխատանքները վերսկսվեցին։ 1895թ.-ին հատուկ կոմիտեի կողմից որոշում կայացվեց թատրոնի համար կառուցել նոր շենք, որի բացումը տեղի ունեցավ 1909թ.-ի փետրվարի 19-ին։ Նոր շենքի ճարտարապետն էր Էինար Օսկար Շոուն։

1940թ.-ին թատրոնի շենքը վնասվեց արկի պայթյունից, այնուամենայնիվ բազմաթիվ վերականգնողական աշխատանքներից հետո այն շարունակեց գործել։ 1993 թվականին «Ազգային բեմի» շենքը ընդգրկվեց Նորվեգիայի պատմաճարտարապետական հուշարձանների ցանկում։

Թատրոնը ունի 150 աշխատող, որից 40-ը դերասաններ։ Մեծ դահլիճը հնարավորություն է տալիս 450 հանդիսատեսի դիտել ներկայացումներ։ Տարեկան կազմակերպվում է ավելի քան 550 բեմադրություններ[2]։

Ծանոթագրություններ[խմբագրել | խմբագրել կոդը]

  1. Hanssen Jens-Morten (2001-08-10)։ «Facts about Pillars of Society»։ Ibsen.net։ Վերցված է 2013-02-08 
  2. Den Nationale Scene (Store norske leksikon)

Գրականություն[խմբագրել | խմբագրել կոդը]

  • Asbjørn Aarseth, Den Nationale Scene 1901-31, Oslo: Gyldendal, 1969.
  • Knut Nygaard / Eiliv Eide, Den Nationale Scene 1931—1976, Oslo: Gyldendal, 1977. ISBN 82-05-10827-7

Արտաքին հղումներ[խմբագրել | խմբագրել կոդը]