Ազատ Բոզոյան

Վիքիպեդիայից՝ ազատ հանրագիտարանից
Jump to navigation Jump to search
Ազատ Բոզոյան
Ծնվել էհոկտեմբերի 10, 1954(1954-10-10) (66 տարեկան)
Բաքու, Ադրբեջանական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Մասնագիտությունբյուզանդագետ, հայագետ և դասախոս
Հաստատություն(ներ)Երևանի պետական համալսարան, ՀՀ ԳԱԱ արևելագիտության ինստիտուտ և Գևորգյան Հոգևոր Ճեմարան
Ալմա մատերԵՊՀ պատմության ֆակուլտետ (1977)
Կոչումպրոֆեսոր
Գիտական աստիճանպատմական գիտությունների դոկտոր (1995)

Ազատ Արտաշի Բոզոյան (հոկտեմբերի 10, 1954(1954-10-10), Բաքու, Ադրբեջանական ԽՍՀ, ԽՍՀՄ), հայ բյուզանդագետ, հայագետ, պատմական գիտությունների դոկտոր (1995), պրոֆեսոր։

Կենսագրություն[խմբագրել | խմբագրել կոդը]

Ազատ Արտաշի Բոզոյանը ծնվել է 1954 թվականի հոկտեմբերի 10-ին Բաքու քաղաքում։ 1977 թվականին ավարտելի է Երևանի պետական համալսարանի պատմության ֆակուլտետը։ 1995 թվականին հաջողությամբ պաշտպանել է դոկտորական ատենախոսություն «Հայ-բյուզանդական եկեղեցական բանակցությունների վավերագրերը (1165-1178)» թեմայով։ 1997-1998 թվականներին դասավանդել է ԵՊՀ-ում։ 1995-2005 թվականներին պաշտոնավարել է որպես ՀՀ ԳԱԱ արևելագիտության ինստիտուտի Քրիստոնյա Արևելք բաժնի վարիչ, իսկ 2002 թվականից, միաժամանակ Մայր Աթոռ Ս. էջմիածնի «Գարեգին Ա» հայագիտական-աստվածաբանական կենտրոնի տնօրեն։ 2001 թվականից դասավանդում է Գևորգյան հոգևոր ճեմարանում։

Գիտական հետաքրքրություններ[խմբագրել | խմբագրել կոդը]

Ազատ Բոզոյանի գիտական հետաքրքրությունների ոլորտը լայն է։ Նրա ուսումնասիրությունները վերաբերում են Մերձավոր Արևելքի, Բյուզանդիայի, Կիլիկյան Հայաստանի պատմությանն ու սկզբնաղբյուրներին, քույր եկեղեցիների հետ Հայոց եկեղեցու փոխհարաբերություններին, միջնադարյան վավերագիտությանը, կանոնագիտությանը և այլ խնդիրների։

Աշխատություններ[խմբագրել | խմբագրել կոդը]

Մենագրություններ[խմբագրել | խմբագրել կոդը]

  • Բոզոյան, Ա., Բյուզանդիայի արևելյան քաղաքականությունը և Կիլիկյան Հայաստանը ԺԲ դարի 30-70-ական թվականներին, Երևան, 1988։
  • Բոզոյան, Ա., Հայ-բյուզանդական եկեղեցական բանակցությունների վավերագրերը (1165-1178), Երևան, 1995։
  • Բոզոյան, Ա. Ա., Տեր-Ղևոնդյան, Վ. Ա., Շուքուրով, Ռ. Մ., Դանիելյան Գ. Գ., Կիլիկյան Հայաստանը սահմանակից պետական միավորների ընկալումներում (Պատմաբանասիրական ակնարկներ), Երևան 2016։

Հրատարակության պատրաստած գրքեր[խմբագրել | խմբագրել կոդը]

  • Սուրբ Հովհան Օձնեցի Հայրապետը և իր ժամանակը (2003 թ. հունիսի 3-5, Հաղպատի վանք, Գիտաժող. նյութեր), հրատ. պատրաստեց՝ Ա. Բոզոյան, Ս. Էջմիածին 2004։
  • Ներսես վրդ. Մելիք-Թանգյան, Հայոց եկեղեցական իրավունքը, հրատ. պատրաստեց՝ Ա. Բոզոյան, Ս. Էջմիածին 2011։
  • Վահան վրդ. Բաստամյանց, Կանոնագիտական երկեր, հրատ. պատրաստեց՝ Ա. Բոզոյան, Ս. Էջմիածին 2016։

Արտաքին հղումներ[խմբագրել | խմբագրել կոդը]