Սոֆյա Պարնոկ

Սոֆյա Պարնոկ; ռուս.՝ Парно́к София Яковлевна
Ծննդյան անուն	ֆր.՝ Sofia Iakovlevna Parnok
Ծնվել է	հուլիսի 30 (օգոստոսի 11), 1885[…]
Ծննդավայր	Տագանրոգ, Եկատերինոսլավի նահանգ, Ռուսական կայսրություն
Վախճանվել է	օգոստոսի 26, 1933 (48 տարեկան)
Վախճանի վայր	Կարինսկոե (գյուղ, Օդինցովսկի շրջան), ՌԽՖՍՀ, ԽՍՀՄ
Գերեզման	Վվեդենսկոե գերեզմանատուն
Գրական անուն	Андрей Полянин
Մասնագիտություն	լեզվաբան, բանաստեղծուհի, գրող, թարգմանչուհի և լրագրող
Լեզու	ռուսերեն
Քաղաքացիություն	Ռուսական կայսրություն և ԽՍՀՄ
Կրթություն	Բեստուժևյան դասընթացներ և Մարիինյան գիմնազիա
Ամուսին	Վլադիմիր Վոլկենշտեյն
Համատեղ ապրող	Մարինա Ցվետաևա, Lyudmila Erarskaya?, Olga Tsuberbiller? և Nina Vedeneyeva?
Կայք	parnok.narod.ru
	Sophia Parnok Վիքիպահեստում

Սոֆիա Յակովլևնա Պարնոկ (ռուս.՝ Софи́я Я́ковлевна Парно́к, իսկական ազգանունը՝ Պարնոխ, ռուս.՝ Парно́х, հուլիսի 30 (օգոստոսի 11), 1885^[1]^[2]^[3]^[…], Տագանրոգ, Եկատերինոսլավի նահանգ, Ռուսական կայսրություն^[4] - օգոստոսի 26, 1933(1933-08-26)^[1]^[2]^[5], Կարինսկոե (գյուղ, Օդինցովսկի շրջան), ՌԽՖՍՀ, ԽՍՀՄ), ռուս խորհրդային բանաստեղծուհի, թարգմանչուհի։

Կենսագրություն

Սոֆիա Պարնոկը ծնվել է 1885 թվականի հուլիսի 30-ին (օգոստոսի 11)^[6]^[7]^[8] Տագանրոգում` ռուսացած մեծահարուստ հրեայի ընտանիքում։ Հայտնի երաժշտական գործիչ, բանաստեղծ ու թարգմանիչ Վալենտին Պարնախի և բանաստեղծուհի Ելիզավետա Տարախովսկայայի քույրն է։

Հայրը՝ Յակով Սոլոմոնովիչ Պարնոխը (1853-1913 թթ.), դեղագործ էր և դեղատների սեփականատեր, Տագանրոգ քաղաքի պատվավոր քաղաքացի։ Մայրը՝ Ալեքսանդրա Աբրամովնա Պարնոխը (ծննդյան ազգանունը՝ Իդելսոն, 1853-1895 թթ.), բժիշկ էր։

Մոր անժամանակ մահը (նա մահացել է երկվորյակների՝ Վալենտինի և Ելիզավետայի ծնունդից շատ չանցած) և հոր երկրորդ ամուսնությունը տնային դաստիարակչուհու հետ Սոֆիայի կյանքը Տագանրոգի տանը դարձրին անտանելի, իսկ հոր հետ հարաբերությունները՝ օտարացած։

Տագանրոգի Մարիինյան գիմնազիան ոսկե մեդալով ավարտելուց հետո (1894-1903 թթ.) մի տարի ապրել է Շվեյցարիայում, որտեղ սովորել է Ժենևի կոնսերվատորիայում։ Ռուսաստան վերադառնալուց հետո հաճախել է Բեստուժևի կուրսեր։

Բանաստեղծություններ տպագրել սկսկել է 1906 թվականից։ Որոշ ժամանակ ամուսնացած է եղել գրող Վլադիմիր Վոլկենշտեյնի հետ (ամուսնությունը կատարվել է հուդայականության ծիսակարգով)։

1916 թվականին հրատարակել է «Բանաստեղծություններ» գիրքը։ Հարել է կլասիցիզմին հակված, բանաստեղծության պարզությունն ու ներդաշնակությունը հավաստող «Քնարական շրջանակ» խմբին։ Պարնոկի պոեզիայում մեծ տեղ են գրավում անտիկ դիցաբանության, աստվածաշնչի կերպարները, արվեստի, սիրո, մահվան թեմաները, միայնության մոտիվները։

Ընտանիք

Յակով Պարնոխ (1853-1912 թթ.) — հայրը, դեղագործ, դեղատների սեփականատեր, Տագանրոգի քաղաքային Դումայի անդամ, Տագանրոգի պատվավոր քաղաքացի։
Վալենտին Պարնախ - եղբայրը, ռուս պոետ, թարգմանիչ, երաժիշտ, պարող, խորեոգրաֆ, ռուսական ջազի հիմնադիր։
Ելիզավետա Տարախովսկայա - քույրը, ռուս բանաստեղծուհի, թարգմանիչ։
Ալեքսանդր Պարնախ - զարմիկը, գրող։
Մաքսիմ Պարնախ - եղբոր թոռը, նկարիչ, մանկավարժ։

Ժողովածուներ

«Պիերիայի վարդերը» անթոլոգիական ժողովածուի (1922 թ.), «Որթ» (1923 թ.), «Երաժշտություն» (1926 թ.), «Կես ձայնով» (1928 թ.) ժողովածուների հեղինակ է։ Հանդես է եկել նաև որպես քննադատ (Անդրեյ Պոլյանին կեղծանունով), Շ․ Բոդլերի, Ռ․ Ռուանի, Մ․ Պրուստի, Ժ․ Ժիրոդուի, Ա․ Բարբյուսի, Ժ․ Ռենարի և այլոց գործերի թարգմանիչ։ Հ․ Թումանյանի «Թմկաբերդի առումը» պոեմի հիման վրա գրել է «Ալմաստ» օպերայի լիբրետոն (ռուսական)։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)
↑ ^3,0 ^3,1 Литераторы Санкт-Петербурга. ХХ век (ռուս.) / под ред. О. В. Богданова
↑ ^4,0 ^4,1 ^4,2 Deutsche Nationalbibliothek Record #118641492 // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 Русская литература XX века. Прозаики, поэты, драматурги (ռուս.) / под ред. Н. Н. Скатов — 2005. — С. 21—23. — ISBN 5-94848-307-X
↑ Бургин Д. Л. София Парнок. Жизнь и творчество русской Сафо. — СПб.: ИНАПРЕСС, 1999. — С. 410. — ISBN 5-87135-065-8.
↑ Ревенко Л. В. Парнок Софья Яковлевна // Таганрог. Энциклопедия. — Таганрог: Антон, 2008. — С. 546. — ISBN 978-5-88040-064-5.
↑ Романова Е. А. Опыт творческой биографии Софии Парнок. — СПб.: Нестор-История, 2005. — С. 11. — ISBN 5-98187-088-5.

Վիքիպահեստն ունի նյութեր, որոնք վերաբերում են «Սոֆյա Պարնոկ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 203)։

[_fb1091211f26e522-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ef87c09ebdd43827-2] 2,0 ^2,1 ^2,2 ^2,3 ^2,4 FemBio տվյալների շտեմարան (գերմ.)

[_3a6cc8e6c14b9a0e-3] 3,0 ^3,1 Литераторы Санкт-Петербурга. ХХ век (ռուս.) / под ред. О. В. Богданова

[_bf516556e90a7309-4] 4,0 ^4,1 ^4,2 Deutsche Nationalbibliothek Record #118641492 // Gemeinsame Normdatei (գերմ.) — 2012—2016.

[_252c666f7932d57d-5] 5,0 ^5,1 ^5,2 Русская литература XX века. Прозаики, поэты, драматурги (ռուս.) / под ред. Н. Н. Скатов — 2005. — С. 21—23. — ISBN 5-94848-307-X

[6] Бургин Д. Л. София Парнок. Жизнь и творчество русской Сафо. — СПб.: ИНАПРЕСС, 1999. — С. 410. — ISBN 5-87135-065-8.

[7] Ревенко Л. В. Парнок Софья Яковлевна // Таганрог. Энциклопедия. — Таганрог: Антон, 2008. — С. 546. — ISBN 978-5-88040-064-5.

[8] Романова Е. А. Опыт творческой биографии Софии Парнок. — СПб.: Нестор-История, 2005. — С. 11. — ISBN 5-98187-088-5.

[1]

[2]

[3]

[4]

[5]

[6]

[7]

[8]