Microsoft OneNote
.svg) | |
|---|---|
| Տեսակ | note-taking software? |
| Նախագծումը՝ | Մայքրոսոֆթ |
| ՕՀ | Windows NT[1], մաքՕՍ[1], Անդրոիդ[2], iOS[3], Windows Phone և Windows |
| Լույս տեսավ՝ | 2003 |
| Կարդագող ֆայլերի ֆորմատ | Microsoft OneNote Package File?, Microsoft OneNote file format? և OneNote table of contents? |
| Ստեղծվող ֆայլերի ֆորմատ | Microsoft OneNote Package File?, Microsoft OneNote file format? և OneNote table of contents? |
| Արտոնագիր | freeware |
| Մասն է | Microsoft Office |
| Կայք | products.office.com/onenote |
 Microsoft OneNote Վիքիպահեստում | |
Microsoft OneNote (նախկին անվանումը՝ Microsoft Office OneNote), արագ գրառումներ ստեղծելու և անձնական տեղեկատվության համակարգման ծրագիր։ Այն գրառումների աստիճանակարգային կառուցվածք ունեցող նոթատետր է, կարող է ծառայել որպես սովորական նոթատետրի նմանօրինակ։ Ներառված է Microsoft Office փաթեթի մեջ[4]։ 2014 թվականի մարտի 17-ից այն դարձել է անվճար, կարելի է առանձին ներբեռնել «Microsoft»-ի կայքից։
Կիրառություն[խմբագրել | խմբագրել կոդը]
Ծրագիրը ստեղծվել է «Microsoft Tablet PC» հարթակի զարգացման հետ կապված։ «OneNote»-ը նախատեսված է կարճ գրառումներ կատարելու համար։ Այն հատկապես հարմար է պլանշետային համակարգիչներ օգտագործողների համար, որոնցում առկա է ձեռագիր տեքստի մուտքագրման և գրառումներ ավելացնելու հնարավորություն։
Ծրագիրը կարող է օգտագործվել նաև «Microsoft Windows» և «macOS» օպերացիոն համակարգերով աշխատող սովորական սեղանադիր համակարգիչներում։ Կարելի է տեղադրել նաև «OneNote»-ի բջջային տարբերակը բջջային օպերացիոն համակարգերի համար՝ «Windows Phone» (7; 8; 8.1; 10), iOS, Symbian Belle (Nokia Belle) և «Android»[5]։
Նկարագրություն[խմբագրել | խմբագրել կոդը]
«OneNote»-ի աշխատանքային տարածքը դատարկ թերթ է, որի ցանկացած հատվածում կարելի է կատարել տեքստային և ձեռագիր նշումներ, նկարներ, ինչպես նաև ձայնային մեկնաբանություններ։ «OneNote»-ի տեղեկատվությունները կարելի է նաև մկնիկով տեղափոխել դիտարկիչի պատուհանից։ Այս ծրագրում բացակայում է «Պահպանել» պատկերակը, քանի որ մուտքագրված տվյալները պահվում են ավտոմատ կերպով։
Թերթերը միավորվում են բաժինների մեջ, իսկ բաժինները՝ նոթատետրերում։ Բաժնի թերթերի ցանկը գտնվում է ընթացիկ թերթից աջ, բաժինների ցանկը՝ վերև, իսկ բաց գրառումների ցուցակը՝ ձախ։
Գրառումները կարող են ուղարկվել էլեկտրոնային փոստով՝ HTML ձևաչափով կամ որպես կցված «OneNote» ֆայլ։
Առաջին անգամ «Microsoft OneNote»-ը թողարկվել է 2003 թվականի հոկտեմբերին և ներառվել «Microsoft Office System 2003» փաթեթի կազմում[6]։
«Windows»-ի օպերացիոն համակարգերում «Microsoft OneNote»-ն ունի պլագինների աջակցություն, որը թույլ է տալիս ընդլայնել հավելվածի ֆունկցիոնալությունը։ Ստեղծվել են բազմաթիվ օգտակար հավելումներ, որոնք թույլ են տալիս, օրինակ, ստեղծել և կիսել սեփական մակրոսները ([1]), օգտագործել Աստվածաշնչի ուսումնասիրության համար լրացուցիչ հնարավորություններ ([2]) և այլն։
Տարբերակների պատմություն[խմբագրել | խմբագրել կոդը]
| Ապրանքի կամ իրադարձության անվանում | Թողարկման ամսաթիվ |
|---|---|
| Առաջին հրապարակային հայտարարություն | 2002 նոյեմբերի 17 |
| OneNote 2003 | 2003 հոկտեմբերի 21 |
| OneNote 2003 SP1 | 2004 հուլիսի 27 |
| OneNote 2003 SP2 | 2005 սեպտեմբերի 27 |
| OneNote 2003 SP3 | 2007 սեպտեմբերի 17 |
| OneNote 2007 | 2007 հունվարի 30 |
| OneNote 2007 SP1 | 2007 դեկտեմբերի 11 |
| OneNote 2007 SP2 | 2009 ապրիլի 28 |
| OneNote 2010 | 2010 հունիսի 15 |
| OneNote 2013 | 2012 հոկտեմբերի 11 |
| OneNote 15.0.1 «Apple OS X»-ի համար | 2014 մարտի 17 |
| OneNote 2016 | 2015 սեպտեմբերի 22 |
| OneNote | 2016 հունվարի 19[7] |
Ծանոթագրություններ[խմբագրել | խմբագրել կոդը]
- ↑ 1,0 1,1 Microsoft makes OneNote for Windows completely free by removing all feature restrictions // VentureBeat — 2006.
- ↑ Microsoft OneNote // Google Play — Google, 2012.
- ↑ Microsoft OneNote // App Store — Apple, 2008.
- ↑ Malter, Stefan (2018 թ․ ապրիլի 18). «OneNote in Office 2019». Արխիվացված է օրիգինալից 2019 թ․ հոկտեմբերի 3-ին. Վերցված է 2019 թ․ հոկտեմբերի 2-ին.
- ↑ «OneNote now on Mac, free everywhere, and service powered». Office Blogs. Microsoft. 2014 թ․ մարտի 17. Վերցված է 2014 թ․ մարտի 17-ին.
- ↑ Иван Карташёв. (6 ноября 2003 г.). «Microsoft Office 2003: первые впечатления» (ռուսերեն). «Бизнес-журнал» №21 (34). Արխիվացված է օրիգինալից 2012 թ․ փետրվարի 15-ին. Վերցված է 2011 թ․ հունվարի 16-ին.
- ↑ «Заметки о выпуске». www.onenote.com. Վերցված է 2019 թ․ մարտի 11-ին.