Քեմոն Կոմարովի
| Քեմոն Կոմարովի | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Հովանոցածաղկավորներ (Apiales) |
| Ընտանիք | Նեխուրազգիներ (Apiaceae) |
| Ենթաընտանիք | Նեխուրայիններ (Apioideae) |
| Ցեղ | Քիմիոն (Carum) |
| Տեսակ | Քեմոն Կոմարովի (C. komarovii) |
| Միջազգային անվանում | |
| Carum komarovii | |
| Կարգավիճակ | |
Հատուկ պահպանության կարգավիճակ՝  Վտանգված տեսակ | |
Քեմոն Կոմարովի (լատին․՝ Carum komarovii), հովանոցավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Բազմամյա խոտաբույս է, որի բարձրությունը հասնում է 15-40 սմ-ի։ Տերևների ծայրային մասերը ձվաձև-նշտարաձև են։ Հովանոցն ունի 5-10 ճառագայթ, որոնք շատ անհավասար են։ Ծածկոցը բացակայում է կամ վաղ է թափվում։ Ծածկոցիկը բաղկացած է 2-4 թերթիկից։ Պտուղները ձվաձև են։ Պտղի ակոսիկներում գտնվող եթերայուղային խողովակները միայնակ են[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Զանգեզուրի ֆլորիստիկական շրջանում, Խուստուփ լեռնագագաթում։ Աճում է նաև Արևելյան Անդրկովկասում[1]։
Էկոլոգիա[խմբագրել | խմբագրել կոդը]
Աճում է ենթալպյան և ալպյան գոտիներում՝ ծովի մակարդակից 2100-3000 մ բարձրությունների վրա՝ մարգագետիններում, լեռնային քարաթափվածքների և քարքարոտ լանջերի վրա։ Ծաղկում է հուլիս ամսին, պտղաբերում՝ օգոստոսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Անդրկովկասի էնդեմիկ է։ Հայտնի է մեկ պոպուլյացիա։ Տարածման և բնակության շրջանների մակերեսը 10 կմ²-ից պակաս է։ Կարմիր գրքի առաջին հրատարակությամ մեջ ընդգրկված էր որպես ոչնչացման սպառնալիքի ենթակա տեսակ։ Ընդգրկված չէ CITES-Ի և Բեռնի կոնվենցիաների հավելվածներում։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.