Վերդի Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Վերդի Հակոբյան | |
|---|---|
| Ծնվել է | օգոստոսի 25, 1926 Սարդարաշեն, Խոջալուի շրջան |
| Մահացել է | մայիսի 4, 2009 (82 տարեկան) Երևան, Հայաստան |
| Մասնագիտություն | անասնաբույժ |
| Ալմա մատեր | Երևանի անասնաբուծական-անասնաբուժական ինստիտուտ |
Վերդի Ջհանգիրի Հակոբյան (օգոստոսի 25, 1926, Սարդարաշեն, Խոջալուի շրջան - մայիսի 4, 2009, Երևան, Հայաստան), հայ մակաբուծաբան, անասնաբուժական գիտությունների դոկտոր (1973), պրոֆեսոր (1987)[1]։
Կենսագրություն[խմբագրել | խմբագրել կոդը]
Վերդի Հակոբյանը ծնվել է 1926 թվականի օգոստոսի 25-ին, Լեռնային Ղարաբաղի Ասկերանի շրջանի Սարդարաշեն գյուղում։
1952 թվականին ավարտել է Երևանի անասնաբուծական-անասնաբուժական ինստիտուտը։ 1960-1970 թվականներին եղել է Հայաստանի գյուղատնտեսական ակադեմիայի ճիճվաբանության լաբորատորիայի, 1986 1995 թվականներին՝ մակաբուծաբանության և անասնաբուժասանիտարական փորձաքննության ամբիոնի վարիչ։ 1996 թվականից նշանակվել է Հայաստանի գիտությունների ազգային ակադեմիա Կենդանաբանության ինստիտուտի առաջատար գիտաշխատող։
Վերդի Հակոբյանի աշխատանքները վերաբերում են գյուղատնտեսական կենդանիների լյարդի տափակ որդերի և աղիքային խառը ինվազիաների, ինչպես նաև հակատզային և հակամիջատային նոր, արդյունավետ, ոչ թունավոր, էկոլոգիապես մաքուր դեղամիջոցների հայտնաբերման հարցերին։
Վերդի Հակոբյանը մահացել է 2009 թվականի մայիսի 4-ին, Երևանում։
Աշխատություններ[խմբագրել | խմբագրել կոդը]
- Գյուղատնտեսական կենդանիների էխինո-կոկոզն ու ցենուրոզը և պայքարը նրանց դեմ, Ե., 1965[2]
- Որոճող կենդանիների դիկրոցկլիոզը, 1976
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|