Վաշինգտոն Իրվինգ

Վաշինգտոն Իրվինգ
Բնագիր ԱԱՀ՝	Washington Irving
Ծննդյան օր՝	ապրիլի 3, 1783
Ծննդավայր՝	Նյու Յորք, (ԱՄՆ)
Վախճանի օր՝	նոյեմբերի 28, 1859

Վաշինգտոն Իրվինգ (անգլերեն` Washington Irving, 1783, ապրիլի 3 - 1859, նոյեմբերի 28) — ամերիկյան ռոմանտիկների առաջին սերնդի արձակագիր։

Ստեղծագործությունը

«Նյու-Յորքի պատմությունը» գիրքը

1809-ին Իրվինգը հրատարակում է իր առաջին խոշոր գիրքը` «Նյու-Յորքի պատմությունը»։ Այստեղ Իրվինգը ձգտում է վերաստեղծել և իդեալականացնել անցյալ դարի։ Գիրքը հագեցած է բարի ու մեղմ հումորով, երբ վերաբերում է շարքային քաղաքացիներին, և թունոտ երգիծանքով, երբ ուղղվում է Նյու-Յորքի քաղաքապետերին։ Նրանցից մեկին Իրվինգը պատկերել է Պիտեր Պնդաճակատ անվամբ։ Այս նահանգապետը աչքի է ընկնում այնպիսի պնդաճակատությամբ, որ մինչև անագմ Նյու Յորքը պաշարողների գնդակները ի վիճակի չէին ճեղքել նրա գլուխը։ Մի այլ կառավարիչ, ընդհակառակը, այնքան թեթևակշիռ է և երերուն, որ մի օր անհետանում է իր ծխամորճի ծխի հետ։ «Նյու-Յորքի պատմությունը» գիրքը հայտնի դարձրեց Իրվինգի անունը։