Վազգեն Լոռյան
Վազգեն Լոռյան | |
---|---|
Ծնվել է | մայիսի 12, 1952 (71 տարեկան) |
Ծննդավայր | Կիրովական, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | ՀԱՊՀ (1974) |
Գիտական աստիճան | տեխնիկական գիտությունների դոկտոր (1995) |
Պարգևներ և մրցանակներ |
Վազգեն Էդվարդի Լոռյան (մայիսի 12, 1952, Կիրովական, Հայկական ԽՍՀ, ԽՍՀՄ), հայ ֆիզքիմիկոս։ Տեխնիկական գիտությունների դոկտոր (1995)[1]: ԽՍՀՄ գյուտարար (1981):
Կենսագրություն[խմբագրել | խմբագրել կոդը]
Վազգեն Լոռյանը ծնվել է 1952 թվականի մայիսի 12-ին, Վանաձոր քաղաքում։ 1974 թվականին ավարտել է Երևանի պոլիտեխնիկական ինստիտուտը։ 1981-1985 թվականներին աշխատել է Վանաձորի բարձրջերմաստիճանային տաքացուցիչների գործարանին կից էլեկտրաջերմային սարքավորումների Համամիութենական գիտահետազոտական ինստիտուտում, 1985-1988 թվականներին՝ ԽՍՀՄ ԳԱ Քիմիական ֆիզիկայի ինստիտուտի Չեռնոգոլովկայի մասնաճյուղում, 1988 թվականից՝ Ռուսաստանի գիտությունների ակադեմիայի կառուցվածքային մակրոկինետիկայի և նյութագիտության հիմնահարցերի ինստիտուտում[2]։
Աշխատանքները վերաբերում են ինքնատարածվող բարձրջերմաստիճանային սինթեզի ռեժիմում, մասնավորապես, բոր, սիլիցիում, ալյումինում, տիտան, ցիրկոնիում քիմիական տարրերի և դրանց բարդ խառնուրդների՝ ազոտի միջավայրում 0,5-700 ՄՊա ճնշման պայմաններում այրման շարժընթացների ուսումնասիրությանը։ Ստեղծել է նիտրիդային խեցեղենից փոշիների և այլ արտադրանքի ստացման՝ աշխարհում նմանօրինակը չունեցող տեխնոլոգիաներ։
Պարգևներ[խմբագրել | խմբագրել կոդը]
- ԽՍՀՄ ԺՏՆՑ ոսկե մեդալ (1991):
Ծանոթագրություններ[խմբագրել | խմբագրել կոդը]
- ↑ «Vazgen Loryan». prabook.com (անգլերեն). Վերցված է 2019 թ․ հուլիսի 4-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
Վիքիդարանն ունի նյութեր, որոնք վերաբերում են «Վազգեն Լոռյան» հոդվածին։ |
|