Սևագիր:«Արևմտյան Ուկրաինայի ազգային համալսարանի Երևանի կրթագիտական ինստիտուտ»

«Արևմտյան Ուկրաինայի ազգային համալսարանի Երևանի կրթագիտական ինստիտուտ»
Հապավում	ԱՈՒԱՀ
Միջազգային անվանում	WEST UKRAINIAN NATIONAL UNIVERSITY YEREVAN EDUCATION AND RESEARCH INSTITUTE
Հասցե	Ավան, Աճարյան 31
Կայք	eftneu.am

ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆ (հակիրճ` ԱՈՒԱՀ) անգլ.՝ WEST UKRAINIAN NATIONAL UNIVERSITY, AUA), Ուկրաինայի IV (բարձրագույն) կարգի հավատարմագիր ունեցող պետական բարձրագույն ուսումնական հաստատություն է, որը հիմնադրվել է 1966թ. Տերնոպոլ քաղաքում:

ՊԱՏՄՈՒԹՅՈՒՆ[խմբագրել | խմբագրել կոդը]

1966թ. Տերնոպոլ քաղաքում բացվել է Կիևի ժողովրդական տնտեսության ինստիտուտի ֆինանսատնտեսգիտական ֆակուլտետը:

1971 թվականին ֆինանսատնտեսագիտական ֆակուլտետի հիման վրա ստեղծվել է Տերնոպոլի ֆինանսատնտեսագիտական ինստիտուտը։

1994 թվականի օգոստոսի 29-ին Ուկրաինայի Նախարարների կաբինետի «Բարձրագույն ուսումնական հաստատությունների բարելավման մասին» թիվ 592 որոշման համաձայն՝ Տերնոպոլի ֆինանսատնտեսագիտական ինստիտուտի հիման վրա ստեղծվել է Տերնոպոլի ժողովրդական տնտեսության ակադեմիան:

2005 թվականի մարտի 30-ին Ուկրաինայի Նախարարների կաբինետը իր թիվ 72 հրամանով բավարարել է ուսումնական հաստատության գիտական խորհրդի, Տերնոպոլի մարզային պետական վարչության և Ուկրաինայի կրթության ու գիտության նախարարության խնդրանքը և ստեղծել է Տերնոպոլի պետական տնտեսագիտական համալսարանը:

2006 թվականի սեպտեմբերի 29-ին, հաշվի առնելով Տերնոպոլի պետական տնտեսագիտական համալսարանի գործունեության արդյունքների համազգային և միջազգային ճանաչումը, նրա նշանակալի ներդրումը ազգային կրթության և գիտության զարգացման գործում, Ուկրաինայի նախագահ Վիկտոր Յուշչենկոյի հրամանագրով համալսարանին շնորհվել է ազգային կարգավիճակ:

2020 թվականի օգոստոսի 25-ին Տերնոպոլի ազգային տնտեսագիտական համալսարանը վերանվանվել է Արևմտյան Ուկրաինայի ազգային համալսարան, և ստացել դասական բարձրագույն ուսումնական հաստատության կարգավիճակ։

ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ[խմբագրել | խմբագրել կոդը]

Հայաստանի Հանրապետության և Ուկրաինայի կրթության ու գիտության նախարարությունների փոխադարձ համաձայնությամբ ՀՀ և Ուկրաինայի կառավարությունների միջև կնքված միջպետական համաձայնագրի հիման վրա 2001թ. հոկտեմբերի 20-ին Երևանում բացվել է Ուկրաինայի կողմից Անդրկովկասում ստեղծված առաջին և միակ պետական համալսարանը՝ Տերնոպոլի ժողովրդական տնտեսության ակադեմիայի Երևանյան մասնաճյուղը, որն այսօր Ուկրաինայի կրթության և գիտության նախարարության և Տերնոպոլի ազգային տնտեսագիտական համալսարանի գիտական խորհրդի որոշմամբ վերանվանվել է Արևմտյան Ուկրաինայի ազգային համալսարանի Երևանի կրթագիտական ինստիտուտ` Ուկրաինայի միակ պետական բարձրագույն ուսումնական հաստատությունը Ուկրաինայի սահմաններից դուրս^[2]: Արևմտյան Ուկրաինայի ազգային համալսարանի 03.04.2001թ. գիտխորհրդի որոշմամբ` ինստիտուտի տնօրեն է նշանակվել նույն բուհի շրջանավարտ, տնտեսագիտության թեկնածու, դոցենտ, կրթության վաստակավոր գործիչ, Հայաստանի Հանրապետությունում Ուկրաինայի պատվավոր հյուպատոս Սահակ Մերուժանի Ղուդրատյանը: Երևանի կրթագիտական ինստիտուտը Արևմտյան Ուկրաինայի ազգային համալսարանի(Західноукраїнський національний університет)^[3]կառուցվածքային ստորաբաժանումն է Երևանում: Ինստիտուտը հավատարմագրված է Ուկրաինայի կրթության և գիտության նախարարության կողմից, ունի IV (բարձրագույն) կարգի հավատարմագիր, լիցենզավորված է Հայաստանի Հանրապետության կրթության, գիտության, մշակույթի և սպորտի նախարարության և Ուկրաինայի կրթության և գիտության նախարարության կողմից 2001 թվականից:

ՀԱՄԱԼՍԱՐԱՆԻ ՎԱՐԿԱՆԻՇԸ[խմբագրել | խմբագրել կոդը]

2023 թվականին Արևմտյան Ուկրաինայի ազգային համալսարանը զբաղեցրել է 21-րդ տեղը Ուկրաինայի երկու հարյուր բուհերի մեջ «Top 200 Ukraine» բարձրագույն ուսումնական հաստատությունների վարկանիշում և 18-րդ տեղը 239 համալսարանների միջև Ուկրաինայի համախմբված վարկանիշում: Համաձայն աշխարհի համալսարանների գիտական գործունեության որակի գնահատման արդյունքների, որը ձևավորվել է Google Scholar տվյալների բազայի կողմից՝ գիտնականների կատարած մեջբերումների վերլուծության որն իրականացրել է Webometrics-ը, ԱՈՒԱՀ-ն ընդգրկվել է լավագույն բարձրագույն ուսումնական հաստատությունների վեցյակում: Աշխարհի համալսարանների Webometrics Ranking Web-ում (Edition 2023) համալսարանը զբաղեցնում է 14-րդ տեղը Ուկրաինայի 300 բարձրագույն ուսումնական հաստատությունների շարքում, իսկ միջազգային UniRank վարկանիշում՝ 17-րդ տեղը: SCImago Institutions Rankings-ի նորարարության ինովացիոն վարկանիշում ԱՈՒԱՀ-ն զբաղեցնում է պատվավոր 5-րդ տեղը։ Արևմտյան Ուկրաինայի ազգային համալսարանը Ուկրաինայում յոթերորդն է՝ հետազոտողների թվով, ովքեր ունեն Web of Science-ում պրոֆիլներ:

2010թ. հոկտեմբերի 18-ին Շվեյցարիայի Ժնև քաղաքում տեղի ունեցած աշխարհի «Trade Leaders' Club» (Առևտրի առաջնորդներ) կազմակերպության կողմից Արևմտյան Ուկրաինայի ազգային համալսարանի Երևանի կրթագիտական ինստիտուտին շնորհվել է «ՆՈՐ ՀԱԶԱՐԱՄՅԱԿԻ ՄԻՋԱԶԳԱՅԻՆ ՈՐԱԿԻ ՆՇԱՆ» հատուկ մրցանակ, իսկ ինստիտուտի տնօրեն Սահակ Մերուժանի Ղուդրատյանը՝ որպես հմուտ և պրոֆեսիոնալ ղեկավար, պարգևատրվել է ՈՍԿԵ ՄԵԴԱԼՈՎ : Պարգևատրման որոշումը կայացվել էր տվյալ կազմակերպության 112 երկրների 7000 անդամների կողմից:

ՈՒՍՈՒՄՆԱԿԱՆ ԳՈՐԾԸՆԹԱՑ[խմբագրել | խմբագրել կոդը]

Արևմտյան Ուկրաինայի ազգային համալսարանի Երևանի կրթագիտական ինստիտուտում ուսուցումն իրականացվում է բակալավրի և մագիստրոսի կրթական ծրագրերով: Գործում է նաև ինստիտուտին կից մասնագիտական քոլեջ:

ԱՈՒԱՀ Երևանի կրթագիտական ինստիտուտում գործում են հետևյալ բաժինները

ԶԲՈՍԱՇՐՋՈՒԹՅՈՒՆ (Տուրիստական բիզնեսի կառավարում)
ՄԵՆԵՋՄԵՆԹ ( Բիզնեսի կառավարում)
ՀԱՇՎԱՌՈՒՄ ԵՎ ՀԱՐԿՈՒՄ
ՀԱՄԱԿԱՐԳՉԱՅԻՆ ԻՆԺԵՆԵՐԻԱ
ՖԻՆԱՆՍՆԵՐ, ԲԱՆԿԱՅԻՆ ԳՈՐԾ ԵՎ ԱՊԱՀՈՎԱԳՐՈՒԹՅՈՒՆ (բանկային գործ)
ՖԻՆԱՆՍՆԵՐ, ԲԱՆԿԱՅԻՆ ԳՈՐԾ ԵՎ ԱՊԱՀՈՎԱԳՐՈՒԹՅՈՒՆ (մաքսային գործ)

Ուսման տևողությունը առկա և հեռակա կրթաձևերի համար 4 տարի է:

Շրջանավարտներն ստանում են Արևմտյան Ուկրաինայի ազգային համալսարանի միջազգային ճանաչում ունեցող ՊԵՏԱԿԱՆ ԴԻՊԼՈՄ՝ Ուկրաինայի կրթության և գիտության նախարարության կողմից:

ՊՐՈՖԵՍԻՈՆԱԼԻԶՄ[խմբագրել | խմբագրել կոդը]

Արևմտյան Ուկրաինայի ազգային համալսարանի Երևանի կրթագիտական ինստիտուտը լավ համախմբված թիմ է, որը միավորում է գիտնականների փորձն ու իմաստությունը, արագությունը և եռանդը։ Ուսումնական գործընթացն ապահովում է պրոֆեսորադասախոսական կազմը՝ դոկտորներ, պրոֆեսորներ, գիտությունների թեկնածուներ և դոցենտներ, որոնք մի շարք գիտական աշխատանքների, դասագրքերի, ուսումնամեթոդական ձեռնարկների հեղինակներ են: Մասնագետների պրոֆեսիոնալիզմի բարձր մակարդակը հաստատվում է պետական և գերատեսչական մրցանակներով: Ինստիտուտի ամբիոնները կազմակերպում են միջազգային գիտական կոնֆերանսներ: Կազմակերպվում են նաև ուսանողական գիտաժողովներ` նվիրված կրթական և գիտական արդի հիմնախնդիրներին: Կոնֆերանսների զեկույցները տպագրվում են տարբեր ժողովածուներում:

ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ[խմբագրել | խմբագրել կոդը]

Արևմտյան Ուկրաինայի ազգային համալսարանը համագործակցում է օտարերկրյա համալսարանների հետ կնքելով երկկողմ պայմանագրեր: Մինչ օրս կնքվել է 132 համաձայնագիր՝ գործընկեր համալսարանների հետ ավելի քան 33 արտասահմանյան երկրների՝ ԱՄՆ, Կանադա, Ֆրանսիա, Իտալիա, Իսպանիա, Շվեյցարիա, Ավստրիա, Նորվեգիա, Դանիա, Գեմանիա, Սլովակիա, Նիդեռլանդներ, Լեհաստան, Բուլղարիա, Հունաստան, Չինաստան, Ղազախստան, Տաջիկստան, Մարոկկո և Էկվադոր: Համալսարանը վավեր անդամ է այնպիսի կազմակերպությունների, ասոցիացիաների և ցանցերի, ինչպիսիք են՝

Եվրոպական համալսարանների ասոցիացիա,
Միջազգային կրթության եվրոպական ասոցիացիա,
Համալսարանների մեծ կանոնադրություն,
Անդրսահմանային համագործակցության բուհերի ցանց,
Արևելյան Եվրոպայի համալսարանների ցանց,
Բալթյան համալսարանների ծրագիր,
Նորվեգական-ուկրաինական համալսարանների դաշինք:

ԱՐԴԻԱԿԱՆՈՒԹՅՈՒՆ[խմբագրել | խմբագրել կոդը]

Արևմտյան Ուկրաինայի ազգային համալսարանի Երևանի կրթագիտական ինստիտուտի գրադարանը ինստիտուտի կարևոր կառուցվածքային միավոր է, որը նպաստում է դասախոսների և ուսանողների կրթական, հետազոտական և կրթամշակութային գործունեությանը: Գրադարանի առաքելությունն է ստեղծել, հավաքագրել, կազմակերպել և պահպանել համաշխարհային տեղեկատվական ռեսուրսները, որոնք համապատասխանում են ինստիտուտում ուսումնական գործընթացի և գիտահետազոտական աշխատանքի պահանջներին, իրականացնել ինստիտուտի կրթական և գիտական գործընթացները եվրոպական կրթական չափանիշներին համապատասխան՝ բարձրորակ և արագ մուտք գործելու տեղեկատվական տարածք ինչպես լոկալ, այնպես էլ հեռավար օգտվողների միջոցով: Արևմտյան Ուկրաինայի ազգային համալսարանի Երևանի կրթագիտական ինստիտուտում գործում է երկու գրադարան՝ մասնագիտական և գեղարվեստական: Մասնագիտական գրադարանը հագեցած է մասնագիտական գրականությամբ: Ուսանողները օգտվում են ինստիտուտի էլեկտրոնային գրադարանից, որը Ժամանակակից բարձր տեխնոլոգիական տեղեկատվական համակարգ Է, այն ապահովում է տեղեկատվական ռեսուրսների շուրջօրյա հեռահար մուտք և հասանելի է ինստիտուտի կայքից: ԱՈՒԱՀ ազատ մուտքի ինստիտուցիոնալ պահուստի ամենահամակարգված էլեկտրոնային ռեսուրսը ներառում է այնպիսի բաժիններ, ինչպիսիք են.

թեզեր և ռեֆերատներ,
ուսանողների կուրսային և մագիստրոսական թեզեր,
մենագրություններ,
ԱՈՒԱՀ-ի գիտական հրապարակումներ,
գիտական և գիտագործնական կոնֆերանսների նյութեր,
ԱՈՒԱՀ-ի դասախոսների գիտական աշխատանքներ:

Արտաքին աղբյուրներ[խմբագրել | խմբագրել կոդը]

↑ ««ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ» ԱՌԱՆՁՆԱՑՎԱԾ ՍՏՈՐԱԲԱԺԱՆՄԱՆ ՏԱՐԱԾՔ». {{cite web}}: Missing or empty |url= (օգնություն); Unknown parameter |http://www.irtek.am/views/act.aspx?aid= ignored (օգնություն)
↑ ««ՀՀ-ում գործող լիցենզավորված արտերկրի պետական և ոչ պետական բարձրագույն ուսումնական հաստատությունների մասնաճյուղեր». {{cite web}}: Missing or empty |url= (օգնություն); Text "https://escs.am/am/news/13494" ignored (օգնություն)
↑ ««ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆ»». {{cite web}}: Missing or empty |url= (օգնություն); Text "https://www.wunu.edu.ua/" ignored (օգնություն)

[1] ««ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ» ԱՌԱՆՁՆԱՑՎԱԾ ՍՏՈՐԱԲԱԺԱՆՄԱՆ ՏԱՐԱԾՔ». {{cite web}}: Missing or empty |url= (օգնություն); Unknown parameter |http://www.irtek.am/views/act.aspx?aid= ignored (օգնություն)

[2] ««ՀՀ-ում գործող լիցենզավորված արտերկրի պետական և ոչ պետական բարձրագույն ուսումնական հաստատությունների մասնաճյուղեր». {{cite web}}: Missing or empty |url= (օգնություն); Text "https://escs.am/am/news/13494" ignored (օգնություն)

[3] ««ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆ»». {{cite web}}: Missing or empty |url= (օգնություն); Text "https://www.wunu.edu.ua/" ignored (օգնություն)

[1]

[2]

[3]