Սրոհունդ գեղատես
| Սրոհունդ գեղատես | |
 Սրոհունդ գեղատես | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Մալպիգիածաղկավորներ (Malpighiales) |
| Ընտանիք | Սրոհունդազգիներ (Hypericaceae) |
| Տրիբա | Hypericeae |
| Ցեղ | Սրոհունդ (Hypericum) |
| Տեսակ | Սրոհունդ գեղատես (H. formosissimum) |
| Միջազգային անվանում | |
| Hypericum formosissimum | |
Սրոհունդ գեղատես (լատին․՝ Hypericum formosissimum), սրոհունդազգիների ընտանիքին պատկանող ծածկասերմ բույս։ Գրանցված է Հայաստանի Կարմիր գրքում։
Նկարագրություն[խմբագրել | խմբագրել կոդը]
5-7 (15) սմ բարձրությամբ ցածրահասակ, բազմամյա, գեղազարդային բույս է։ Ցողունները բազմաթիվ են, բարակ, համարյա թելանման և փռված։ Տերևների երկարությունները հասնում են մինչև 1 սմ–ի, արտաքինից ձվաձև են, երկարավուն, ամբողջաեզր, ցողունի վրա դասավորված են հակադիր ձևով։ Սակավաթիվ ծաղիկները ճյուղերի գագաթներին 1-3–ական են։ Բույսը կազմված է հիմքում միաձուլված, եզրերից միաշաքար, նոսր դասավորված գեղձերով բաժակաթերթերից։ Եզրերից առանց գեղձերի պսակաթերթերը դեղին են։ Պտուղը բազմաթիվ մանր Սերմերից բաղկացած մանր տուփիկ է[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Դարեղեգիսի ֆլորիստիկական շրջանում (Արենի, Արփա, Նորավանքի կիրճ, Խաչիկ գյուղի մոտ)[1]։
Էկոլոգիա[խմբագրել | խմբագրել կոդը]
Բույսն աճում է միջին լեռնային գոտում՝ ծովի մակարդակից 1100–1500 մ բարձրությունների վրա, կրաքարային ժայռերի ճեղքերում։ Ծաղկում է հունիս-հուլիս ամիսներին, պտղաբերում՝ հուլիս–օգոստոսին[1]։
Պահպանություն[խմբագրել | խմբագրել կոդը]
Վտանգված տեսակ է։ Տարածման և բնակության շրջանների մակերեսը 500 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված էր որպես հազվագյուտ տեսակ։ Ընդգրկված չէ CITES-ի և Բեռնի կոնվենցիաների հավելվածներում[1]։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Սրոհունդ գեղատես» հոդվածին։ |
 | Վիքիպահեստն ունի նյութեր, որոնք վերաբերում են «Սրոհունդ գեղատես» հոդվածին։ |
|
|