Ստեփան Մեսչյան

Ստեփան Մեսչյան
Ծնվել է	հոկտեմբերի 9, 1922(1922-10-09) (101 տարեկան) Ախալցխա, Ախալցխայի գավառ, Թիֆլիսի նահանգ
Քաղաքացիություն	ԽՍՀՄ
Ազգություն	հայ
Մասնագիտություն	մեքենագետ և համալսարանի դասախոս
Հաստատություն(ներ)	Երևանի պետական համալսարան
Կոչում	պրոֆեսոր
Գիտական աստիճան	տեխնիկական գիտությունների դոկտոր (1965)
Կուսակցություն	ԽՄԿԿ

Ստեփան Ռուբենի Մեսչյան (հոկտեմբերի 9, 1922(1922-10-09), Ախալցխա, Ախալցխայի գավառ, Թիֆլիսի նահանգ), հայ խորհրդային մեխանիկ։ Տեխնիկական գիտությունների դոկտոր (1965), պրոֆեսոր (1969)։

Ավարտել է Թբիլիսիի Լենինի անվան երկաթուղային տրանսպորտի ինժեներների ինստիտուտը (1944)։ Մասնակցել է Գյումուշի ՀԷԿ-ի շինարարությանը (1946-1953)։ 1953 թվականից գիտական աշխատակից ՀԽՍՀ ԳԱ շինանյութերի և կառուցվածքների, մաթեմատիկայի և մեխանիկայի, մեխանիկայի ինստիտուտներում։ 1968 թվականից Երևանի համալսարանի ընդհանուր և կիրառական երկրաբանության ամբիոնի պրոֆեսոր։ Աշխատությունները վերաբերում են կավային բնահողերի ռեոլոգիայի՝ սողքի, լարումների ռելաքսացիայի և տևական ամրության հարցերին։ Մեսչյանը կավային բնահողերի փորձառական ռեոլոգիայի հիմնադիրներից է։ Ընտրվել է «Բնահողերի մեխանիկայի և հիմքաշինության» (1964), «Ինժեներ երկրաբանների» (1977) միջազգային գիտական կազմակերպությունների անդամ։ ԽՄԿԿ անդամ 1946 թվականից։

Երկեր

• Նյութերի սողքը։ Երևան։ Հայպետհրատ, 1963։
• Բնահողերի մեխանիկայի լաբորատոր աշխատանքներ։ Երևան։ Լույս, 1971։
• Գետնահողերի ֆիզիկամեխանիկական հատկությունները։ Երևան։ Հայաստան, 1985։

Ծանոթագրություններ

Վիքիդարանն ունի նյութեր, որոնք վերաբերում են «Ստեփան Մեսչյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 468)։