Պյոտր Լեբեդենկո
Պյոտր Լեբեդենկո | |
---|---|
Ծնվել է | մարտի 20 (ապրիլի 2), 1916 |
Ծննդավայր | Սարապուլ, Վյատկայի գավառ, Ռուսական կայսրություն |
Վախճանվել է | փետրվարի 11, 2003 (86 տարեկան) |
Մասնագիտություն | գրող, մանկագիր և սցենարիստ |
Լեզու | ռուսերեն |
Քաղաքացիություն | Ռուսաստան և ԽՍՀՄ |
Անդամակցություն | ԽՍՀՄ Գրողների միություն |
Պարգևներ |
Պյոտր Վասիլևիչ Լեբեդենկո (ռուս.՝ Пётр Васильевич Лебеденко, մարտի 20 (ապրիլի 2), 1916, Սարապուլ, Վյատկայի գավառ, Ռուսական կայսրություն - փետրվարի 11, 2003), խորհրդային ռուս գրող, արձակագիր, սցենարիստ, ակնարկագիր։ ԽՍՀՄ գրողների միության անդամ (1957)։ ԽՍՀՄ արհմիությունների և գրողների միության մրցանակների դափնեկիր, ՌՍՖՍՀ գրողների միության մրցանակի դափնեկիր։
Կենսագրություն[խմբագրել | խմբագրել կոդը]
Պյոտր Լեբեդենկոն ծնվել է 1916 թվականին Սարապուլում։ 1929 թվականից մեծացել է մանկատներում։ 1934-1936 թվականներին եղել է նավաստի, 1936 թվականին դարձել է քաղաքացիական օդային նավատորմի օդաչու։ Մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններին, եղել ռազմական օդաչու, կատարել ավելի քան 800 մարտական թռիչք, հաճախ թշնամու թիկունքում։ Բազմաթիվ մրցանակների դափնեկիր է։
Պատերազմից հետո զբաղվել է գրական աշխատանքով։ 1957 թվականին ընդունվել է ԽՍՀՄ գրողների միության շարքերը, 1974-1986 թվականներին եղել է գրողների միության Ռոստովի տարածաշրջանային կազմակերպության նախագահը։ Մի քանի անգամ ընտրվել է ՌԽՖՍՀ գրողների միության անդամ, ԽՍՀՄ գրողների միության վերստուգիչ հանձնաժողովի անդամ[1]։
Ստեղծագործական ուղի[խմբագրել | խմբագրել կոդը]
Լեբեդենկոյի առաջին գիրքը` «Խաղաղ Դոնի հեքիաթները», լույս է տեսել 1950 թվականին Դոնի Ռոստովում։ Հետագայում Դոնի Ռոստովում և Մոսկվայում հրատարակվել են գրողի մի քանի գրքեր։
Նրա ստեղծագործությունների հերոսները բանվորներն են, օդաչուները, կուսակցությունների ղեկավարները, կոմերիտական և կուսակցական մարդիկ, որոնք հետաքրքրված են իրենց երկրի շահերով։ Իր հերոսի սոցիալ-հոգեբանական հիմքը պահպանելով` գրողը նրա հետ անցնում է պատմության տարբեր փուլերով` 1930-ական թվականներ, պատերազմ, հետպատերազմյան շրջան, 1950-1960-ական թվականներ։
Լեբեդենկոն գրել է մի շարք գրքեր բոլոր տարիքի երեխաների համար` «Հեռավոր գետաբերանի ծովախորշը» (1954), «Шхуна «Мальва»» (1964), «Քաջարիների ակումբը» (1961) վիպակները, «Կողմնացույց» (1962) պատմվածքը, «Բարի սիրտը գեղեցկությունից թանկ է» (1959) հեքիաթը և այլն։
Լեբեդենկոն վեպերի, վավերագրերի, վիպակների, էսսեների, ֆիլմերի սցենարների հեղինակ է։
Ընտրված մատենագիտություն[խմբագրել | խմբագրել կոդը]
- «Навстречу ветрам» (1958)
- «Четвёртый разворот» (1972, էկրանավորվել է 1973 թվականին «Երբ մարդը ժպտում է»)
- «Дважды жить не дано» (1963)
- «Льды уходят в океан» (1966, 1971)
- «Особый рейс»
- «Повесть о разведчике»
- «Люди, как реки…»
- «Черные листья» (1974)
- «Красный ветер» (1980)
- Ակնարկների գիրք
- «Человек в пути»
- «Ровесники»
- «Раздумья о мужестве»
- «Сэр Джексон молчит»
Պարգևներ[խմբագրել | խմբագրել կոդը]
- Լենինի շքանշան
- Կարմիր դրոշի շքանշան
- Աշխատանքային Կարմիր դրոշի շքանշան
- «Պատվո նշան» շքանշան
- Հայրենական պատերազմի I աստիճանի շքանշան
- Հայրենական պատերազմի II աստիճանի շքանշան
Ծանոթագրություններ[խմբագրել | խմբագրել կոդը]
- ↑ «Централизованная библиотечная система г.Ростова-на-Дону: Лебеденко Петр Васильевич». www.donlib.ru (ամերիկյան անգլերեն). Վերցված է 2017 թ․ օգոստոսի 5-ին.
|
- Ապրիլի 2 ծնունդներ
- 1916 ծնունդներ
- Ռուսական կայսրությունում ծնվածներ
- Փետրվարի 11 մահեր
- 2003 մահեր
- ԽՍՀՄ գրողների միության անդամներ
- Լենինի շքանշանի ասպետներ
- Կարմիր դրոշի շքանշանի ասպետներ
- Հայրենական պատերազմի 1-ին աստիճանի շքանշանակիրներ
- Հայրենական պատերազմի 2-րդ աստիճանի շքանշանակիրներ
- Աշխատանքային կարմիր դրոշի շքանշանի ասպետներ
- Պատվո շքանշանի ասպետներ (ԽՍՀՄ)
- Անձինք այբբենական կարգով
- Գրողներ այբբենական կարգով
- Ռուս գրողներ
- Հայրենական մեծ պատերազմի մասնակիցներ
- Ռուս արձակագիրներ
- Ռուս սցենարիստներ
- Ռուս մանկագիրներ
- Խորհրդային գրողներ