Պետրոս Պետրոսյան (լուսանկարիչ)
| Պետրոս Պետրոսյան | |
|---|---|
 | |
| Ծնվել է | դեկտեմբերի 26, 1937 (86 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | լուսանկարիչ |
| Աշխատավայր | Սփյուռքահայության հետ մշակութային կապի կոմիտե և ՀՀ ԱԳՆ |
| Անդամություն | ԽՍՀՄ ժուռնալիստների միություն |
Պետրոս Անուշավանի Պետրոսյան (դեկտեմբերի 26, 1937, Երևան, Հայկական ԽՍՀ, ԽՍՀՄ), հայ լուսանկարիչ։ ԽՍՀՄ ժուռնալիստների միության անդամ։
Կենսագրություն[խմբագրել | խմբագրել կոդը]
Պետրոս Պետրոսյանը ծնվել է 1937 թվականին Երևանում, մաթեմատիկայի ուսուցիչ Անուշավան Պետրոսյանի ընտանիքում։ Լուսանկարչության բնագավառում առաջին քայլերն արել է դպրոցական տարիներին։ 1943-1953 թվականներին սովորել է Երևանի թիվ 98 միջնակարգ դպրոցում։ Դպրոցն ավարտելու հետո մեկ տարի աշակերտել է ՏԱՍՍ-ի թղթակից, լուսանկարիչ Հակոբ Հեքեյանին։ 1958-1960 թվականներին աշխատել է Երևանի Շահումյանի շրջանի պիոներների պալատում, 1961 թվականին՝ Հայէլեկտրո գործարանի գիտահետազոտական ինստիտուտում, 1962 թվականին՝ «Փոստարկղ» թիվ 13 (Մերգելյանի անվան ինստիտուտ) ֆոտոլաբորատորիայում։ 1963-1979 թվականներին եղել է «Սովետական Հայաստան» ամսագրի ֆոտոթղթակիցը։ 1967 թվականին ընդունվել է Երևանի պետական համալսարան։ 1979 թվականին եղել է Սփյուքահայերի հետ մշակութային կապերի կոմիտեի լուսանկարիչը։ 1993 թվականից եղել է ՀՀ արտաքին գործերի նախարարության լուսանկարիչը։ Դասավանդել է Երևանի պետական համալսարանի ժուռնալիստիկայի ֆակուլտետում[1]։
Ցուցահանդեսներ[խմբագրել | խմբագրել կոդը]
Մասնակցել է համամիութենական և հանրապետական ցուցահանդեսների։ 1976 թվականին Երևանի ռադիոյի և հեռուստատեսության կոմիտեի դահլիճում տեղի է ունեցել Պետրոսյանի առաջին անհատական ցուցահանդեսը։ 1988 թվականին Պետրոսյանի 50-ամյակի առթիվ Ժուռնալիստի տան դահլիճում բացվել է «Հայաստանը ժուռնալիստի աչքերով» ցուցահանդեսը։
Գրականություն[խմբագրել | խմբագրել կոդը]
- Քոչար, Վահան։ Հայ լուսանկարիչներ, հեղինակային հրատարակություն, 2007, 159 էջ։