Պետրոս Կարապետյան

Վիքիպեդիայում կան հոդվածներ Կարապետյան ազգանունով այլ մարդկանց մասին։

Պետրոս Կարապետյան
Ծնվել է	1869 Կոստանդնուպոլիս
Մահացել է	1937
Ազգություն	հայ
Մասնագիտություն	բառարանագիր
Ալմա մատեր	Պերպերյան վարժարան
Տիրապետում է լեզուներին	հայերեն, թուրքերեն, պարսկերեն, արաբերեն և օսմաներեն
Bedros Zeki Garabedian Վիքիպահեստում

Պետրոս Կարապետյան (Կարապետ Զեքի, 1869, Կոստանդնուպոլիս - 1937), հայ կրթական գործիչ, բառարանագիր։

Կենսագրություն

Ծնվել է Կ. Պոլսում։ Կրթությունն ստացել է ծննդավայրի Պերպերյան վարժարանում։ Ավարտվելուց հետո նվիրվել է մանկավարժական աշխատանքի։ Երկար տարիներ պաշտոնավարել է Կ. Պոլսի հայկական դպրոցներում որպես թուրքերենի ուսուցիչ։ Սկյուտարում իր անունով բացել է Կարապետյան վարժարանը, որտեղ սովորել են բազմաթիվ աշակերտներ։ Պոլսահայ մամուլում տպագրվել է հոդվածներ։

Առանձին գրքով լույս տեսած աշխատություններից են՝ «Մեծ բառարան օսմաներէնէ հայերէն» (Կ. Պոլիս, 1912 թ., պարունակում է մոտ 50.000 բառ և արտահայտություն) եւ «Մեծ բառարան հայերէնէ օսմաներէն» (1907 թ., Կ. Պոլիս)։ 1935 թվականին Կ. Պոլսում լույս է տեսել նրա մի այլ աշխատությունը՝ «Հնադարյան հիշատակարան Սամաթիո Ս. Գևորգ եկեղեցվո», պարունակում է փաստական հարուստ նյութ՝ Կ. Պոլսի հայ գաղութի սկզբնավորման վերաբերյալ։

Արտաքին յղումներ

• Մեծ բառարան հայերէնէ օսմաներէն, Պետրոս Զէքի Կարապետեան։ Վ. եւ Հ. Տէր Ներսէսեան, Կ. Պոլիս, 1907։
• Մեծ բառարան օսմաներէնէ հայերէն, Պետրոս Զէքի Կարապետեան։ Տպագրութիւն Արշակ Կարօեան, Կ. Պոլիս, 1912։

Վիքիպահեստն ունի նյութեր, որոնք վերաբերում են «Պետրոս Կարապետյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 308)։