Պարույր Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Պարույր Սահակյան | |
---|---|
Ծնվել է | փետրվարի 22, 1922 (102 տարեկան) Դարղալու, Հայաստան |
Մասնագիտություն | գրականագետ |
Հաստատություն(ներ) | Հայկական պետական մանկավարժական համալսարան |
Անդամակցություն | ԽՍՀՄ Գրողների միություն |
Ալմա մատեր | Հայկական պետական մանկավարժական համալսարան (1941) |
Կոչում | պրոֆեսոր |
Գիտական աստիճան | բանասիրական գիտությունների դոկտոր |
Կուսակցություն | ԽՄԿԿ |
Պարույր Տիգրանի Սահակյան (փետրվարի 22, 1922, Դարղալու, Հայաստան), հայ գրականագետ։ Բանասիրական գիտությունների դոկտոր, պրոֆեսոր (1971)։ ԽՍՀՄ գրողների միության անդամ 1965 թվականից։
Կենսագրություն[խմբագրել | խմբագրել կոդը]
Պարույր Սահակյանը ծնվել է 1922 թվականի փետրվարի 22-ին, Այգեզարդ գյուղում։ 1938 թվականին ավարտել է Ղամարլուի մանկավարժական ուսումնարանը։ 1938-1941 թվականներին սովորել է Երևանի Խաչատուր Աբովյանի անվան հայկական մանկավարժական ինստիտուտում։ 1941-1943 թվականներին ծառայել է Կարմիր բանակում, մասնակցել Հայրենական մեծ պատերազմին։ 1943 թվականին շարունակել է ուսումը և 1944 թվականին ավարտել նույն ինստիտուտի լեզվագրական ֆակուլտետը։ 1945-1948 թվականներին սովորել է այդ ինստիտուտի ասպիրանտուրայում։ 1947 թվականից սկսել է դասախոսական աշխատանքը։ 1950 թվականին «Փոքր մարդու ողբերգական կերպարը Պուշկինի և Գոգոլի ստողծագործություններում» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։ 1969 թվականին «1812 թվականի Հայրենական պատերազմի գեղարվեստական պատկերումը ռուս գրականության մեջ. ազատագրական շարժման առաջին շրջան» թեմայով դիսերտացիա է պաշտպանել (Թբիլիսիում) և ստացել բանասիրական գիտությունների դոկտորի աստիճան։ 1949-1950 թվականներին, համատեղության կարգով, աշխատել է Երևանի ռադիոյի վերջին լուրերի խմբագրությունում։ 1950-1951 թվականներին եղել է Երևանի Խ. Աբովյանի անվան հայկական մանկավարժական ինստիտուտի ասպիրանտուրայի վարիչ ու գիտքարտուղար, 1953-1957 թվականներին՝ նույն ինստիտուտի ռուս և արտասահմանյան գրականության ամբիոնի վարիչը, 1965-1966 թվականներին՝ բանասիրական ֆակուլտետի դեկանը, 1970-1973 թվականներին՝ ռուս գրականության ամբիոնի վարիչը, 1971-1978 թվականներին՝ բանասիրական ֆակուլտետի դեկանը[1]։ ԽՄԿԿ անդամ 1947 թվականից։
Երկեր[2][խմբագրել | խմբագրել կոդը]
- Մայակովսկին և ռևոլյուցիան, Երևան, Հայպետհրատ, 1959, 154 էջ։
- Կոնֆլիկտը Շիրվանզադեի «Քաոս» վեպում, Երևան, Հայպետհրատ, 1962, 133 էջ։
- Գրականության դասավանդման մի քանի հարցերի մասին, Երևան, «Միտք», 1967, 145 էջ։
- Պուշկինի «Փոստակայանի վերակացուն» վիպակը, Երևան, Երևանի Խ. Աբովյանի անվան մանկավարժական ինստիտուտի հրատարակչություն, 1972, 59 էջ։
- Նիկոլայ Օստրովսկի, Երևան, «Գիտելիք», 1974, 33 էջ։
- Ա. Ն. Օստրովսկի, Երևան, Երևանի Խ. Աբովյանի անվան մանկավարժական ինստիտուտի հրատարակչություն, 1975, 64 էջ։
- Շոլոխովի համաշխարհային փառքը, Երևան, «Գիտելիք», 1976, 26 էջ։
Ծանոթագրություններ[խմբագրել | խմբագրել կոդը]
- ↑ Գրական տեղեկատու։ Երևան։ «Սովետական գրող»։ 1981։ էջ էջ 388-389։
- ↑ «Կոհա առցանց քարտարան › Որոնման արդյունքներ համար 'au:"Սահակյան, Պարույր Տիգրանի"'». haygirk.nla.am. Վերցված է 2019 թ․ փետրվարի 15-ին.
|
- Փետրվարի 22 ծնունդներ
- 1922 ծնունդներ
- Ապրող անձինք
- Այգեզարդ (Արարատի մարզ) գյուղում ծնվածներ
- Հայկական պետական մանկավարժական համալսարանի դասախոսներ
- ԽՍՀՄ գրողների միության անդամներ
- ՀՊՄՀ շրջանավարտներ
- ԽՄԿԿ անդամներ
- Գիտնականներ այբբենական կարգով
- Անձինք այբբենական կարգով
- Հայ գրականագետներ
- Բանասիրական գիտությունների դոկտորներ
- Հայ պրոֆեսորներ