Պալմայի տաճար

Պալմայի տաճար;
Հիմնական տվյալներ
Տեսակ	կաթոլիկ տաճար
Երկիր	Իսպանիա
Տեղագրություն	Պալմա դե Մալյորկա
Դավանանք	կաթոլիկություն
Թեմ	Roman Catholic Diocese of Majorca?
Հիմնական ամսաթվերը	1229
Ժառանգության կարգավիճակ	Իսպանիայի մշակութային ժառանգության օբյեկտ
Նվիրված	Մարիամ Աստվածածին
Անվանված	Անարատ հղիություն
Ճարտարապետական ոճ	Գոթական ճարտարապետություն
Հիմնադրված	1229
40 մետր
Երկարություն	109 մետր
Լայնություն	40 մետր
	Cathedral of Palma de Mallorca Վիքիպահեստում
	catedraldemallorca.org

Պալմայի տաճար, Սանտա Մարիայի Մայր տաճար, ինչպես նաև Լա Սեու (իսպ.՝ Catedral de Santa María de Palma de Mallorca), Մալյորկայի եպիսկոպոսության գոթական Մայր տաճար, որը գտնվում է Պալմա դե Մալյորկա քաղաքում (Բալեարյան կղզիներ, Իսպանիա)։

Պատմություն[խմբագրել | խմբագրել կոդը]

Լա Սեու տաճարի շինարարությունը սկսվել է անմիջապես Մալյորկայի մավրերից ազատագրումից հետո, 1230 թվականին Արագոնայի Խայմե I թագավորի պատվերով, այստեղ ավելի վաղ կառուցված մզկիթի ավերակների տեղում։ Շինարարությունը շարունակությունը կատարվել է վերջինիս որդու՝ Մալյորկայի թագավոր Խայմե II-ի կողմից։ 1302 թվականին հիմնադրվեց տաճարի հիմնական հատվածը։ Այն պետք է ծառայեր որպես Մալյորկայի արքաների գերեզմանատուն։ Այնտեղ ամփոփված են Խայմե II և III թագավորների աճյունները։ Շինարարությունը ավարտվել է 1587 թվականին։ 1601 թվականին ավարտվում է Լա Սեույի գլխավոր մուտքը։ 1882 թվականին սկսվեցին տաճարի գլխավոր ճակատամասի աշխատանքները։ Մեծ երգեհոնը տեղադրվել է մալյորկացի Գաբրիել Թոմասի կողմից 18-րդ դարի վերջում (վերակառուցվել է 1993 թվականին)։

Սանտա Մարիայի Մայր տաճարը տեղակայված է Պալմա դե Մալյորկայի հարավային մասում՝ ծովափից ոչ հեռու։ Ունի 109,5 մետր երկարություն և 33 մետր լայնություն, նրա գլխավոր սահմանի երկարությունը հասնում է 75,5 մետրի, իսկ լայնությունը՝ 19,5 մետր։ Նրա մեջ կա 14 սյուն, որոնցից յուրաքանչյուրն ունի 30 մետր բարձրություն։ Վերնատան («Թագավորական կապելլա») չափսերն են 16մ/34 մետր։ Կառույցը Հարավային Եվրոպայում համարվում է գոթական ճարտարապետության ամենախոշոր հուշարձաններից մեկը։ Վարդակ պատուհանի մակերեսը ձևավորված է վեցանկյուն աստղի նման, կազմում է 97,5 քառակուսի մետր, որը դարձնում է նրան աշխարհի ամենախոշոր պատուհաններից մեկը։ Պատուհանը ներդրվել է 1320 թվականին և ապակեպատվել է 1599 թվականին։ Տաճարը կառուցվել է ամբողջությամբ գոթական և հետ գոթական ոճով։ Նրանում կան նաև ուշ ճարտարապետական ոճերի հետքեր, ինչպիսին են՝ վերածնունդ, մաներիզմ և բարոկկո։

Մալյորկայի եպիոկոպոս Կամպինսի հրավերով 1904-1914 թվականներին տաճարի վերակառուցման և ձևավորման աշխատանքները գլխավորել է մոդեռն դարաշրջանի կատալոնացի ճարտարապետ Անտոնիո Գաուդին։ 21-րդ դարում տաճարում ձևավորման աշխատանքներ է տարել նաև ժամանակակից նկարիչ Միգել Բարսելոն։

Տաճարի առաջին հարկում երկու մատուռների և զանգակատան շենքում կա թանգարան (Գործում է 1932 թվականից)։