Ուկրաինայի Չայկովսկու անվան ազգային երաժշտական ակադեմիա

Ուկրաինայի Չայկովսկու անվան ազգային երաժշտական ակադեմիա
Տեսակ	Կոնսերվատորիա, music academy?, շենք, կառույց և ճարտարապետական ժառանգության հուշարձան
Հիմնադրված է	1863
Անվանված է	Պյոտր Չայկովսկի
Ռեկտոր	Մաքսիմ Տիմոշենկո
Երկիր	Ուկրաինա
Տեղագրություն	Կիև, Վլադիսլավ Գորոդեցկու փողոց 1/3
Պարգևներ
Կայք	isolate.norton.com/?url=https%3A%2F%2Fknmau.com.ua%2F
	Ուկրաինայի Չայկովսկու անվան ազգային երաժշտական ակադեմիա (Ուկրաինա) Ուկրաինայի Չայկովսկու անվան ազգային երաժշտական ակադեմիա, Ուկրաինա
	Kyiv Conservatory Վիքիպահեստում

Չայկովսկու անվան Ուկրաինայի ազգային երաժշտական ակադեմիա (ուկրաիներեն՝ Національна музична академія України імені Петра Чайковського) կամ Կիևի կոնսերվատորիա^[1], բարձրագույն երաժշտական կրթական հաստատություն Ուկրաինայում։

Պատմություն[խմբագրել | խմբագրել կոդը]

Կիևի կոնսերվատորիան հիմնադրվել է 1913 թվականի նոյեմբերի 3-ին Ռուսական երաժշտական ընկերության երաժշտական քոլեջի Կիևի լսարանում։ Այն ղեկավարել են Սերգեյ Ռախմանինովը և Ալեքսանդր Գլազունովը։ Առաջին տնօրեններն են եղել Վ. Պուխալսկին (1913) և Ռեյնգոլդ Գլիերը (1914-1920)։ 1925 թվականին ցածր դասարաններն անջատվել են կոնսերվատորիայից՝ երաժշտական քոլեջի ձևավորման նպատակով, իսկ բարձր դասարանները միացվել են նախկին մասնավոր Նիկոլայ Լիսենկոյի անվան երաժշտության և դրամայի ինստիտուտին (այժմ՝ Կարպենկո-Կարիի թատրոնի, կինոյի և հեռուստատեսության Կիևի ազգային համալսարան)։ Վիկտոր Կոսենկոն դասավանդել է երկու հաստատություններում։

Երբ 1934 թվականին Կիևը կրկին դարձավ Ուկրաինայի մայրաքաղաք, կոնսերվատորիան զարթոնք ապրեց։ Նիկոլայ Լիսենկոյի անվան երաժշտության և դրամայի ինստիտուտը լուծարվեց, իսկ նրա երաժշտության բաժինը ետ միաձուլվեցին երաժշտական քոլեջին, միաժամանակ դերասանական բաժինը հիմք ծառայեց Լես Կուրբասի անվան Կիևի պետական թատերական ինստիտուտի ստեղծման համար։ 1938 թվականին կոնսերվատորիան արժանացել է Լենինի շքանշան մրցանակի։ 1940 թվականին կոնսերվատորիան կոչվել է Պյոտր Չայկովսկու անունով։ 1995 թվականին Ուկրաինայի նախագահը բարձրացրեց կոնսերվատորիայի կարգավիճակը. այն վերանվանվեց Պյոտր Չայկովսկու անվան Ուկրաինայի ազգային երաժշտական ակադեմիա։

Կոնսերվատորիան զբաղեցնում է 1890-ական թվականներին կառուցված «Կոնտինենտալ հյուրանոցի» շենը։ Շենքն ավերվել է Երկրորդ համաշխարհային պատերազմի ժամանակ և վերակառուցվել է 1955 թվականին և շենքին ավելացվել է համերգասրահ (ճարտարապետներ՝ Լ. Կատոկ, Յա. Կրասնի)։