Շնդեղ Գոհարի
| Շնդեղ Գոհարի | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| olchicum goharae
|
Շնդեղ Գոհարի (լատին․՝ сolchicum goharae), շնդեղազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Բազմամյա, անցողուն պալարասոխուկավոր բույս է։ Պալարասոխուկի արտաքին թեփերը սևավուն են, իսկ ներքինները` վառ նարնջագույն կամ դարչնագույն։ Տերևները երկարավուն են կամ գծային-նշտարաձև, կաշենման, փայլուն, մերկ։ Ծաղիկները սպիտակ են, ետծալի մասերը լայն-էլիպսաձև կամ հակաձվձև, բթավուն։ Տուփիկը երկարավուն է։ Սերմերը գնդաձև են, նիստադիր, բաց դարչնագույն, փոքրիկ արիլոիդով[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Իջևանի ֆլորիստիկական շրջանում (Իջևանի շրջակայք, լեռնագագաթ՝ Աղայա և Աբեղաքար, Հաղարծին գյուղի շրջակայք)[1]։
Էկոլոգիա[խմբագրել | խմբագրել կոդը]
Աճում է միջին և վերին լեռնային գոտիներում՝ ծովի մակարդակից 1100-2200 մ բարձրությունների վրա, խոտածածկ լանջերին, կրաքարերի վրա, հաճարենու-բոխու անտառներոմ, մարգագետիններում ժայռերի միջև։ Ծաղկում է մայիս ամսին, պտղաբերում՝ մայիս–հունիսին[1]։
Պահպանություն[խմբագրել | խմբագրել կոդը]
Վտանգված տեսակ է, որի տարածման և բնակության շրջանների մակերեսը 500 կմ²-ից պակաս է։ Համարվում է Հյուսիսային Հայաստանի էնդեմիկ։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES–ի և Բեռնի կոնվենցիաների հավելվածներում[1]։
Պահպանության գործուղություններ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.