Շեբայի թագուհի (եբրայերեն՝ מלכת שְׁבָא, Մալկատ Շվա, արաբ․՝ ملكة سبأ, Մալիքաթ Սաբա, պարս.՝ ملكة سبأ, Մալիկատ Սաբա, հին եթովպերեն՝ ንግሥተ ሳባ, Նիգիստա Սաբա), մ.թ.ա. 10-րդ դարի արաբական Շեբայի թագավորության առասպելական թագուհի, որի այցը Երուսաղեմ քաղաք՝ իսրայելական Սողոմոն թագավորի մոտ, նկարագրված է Աստվածաշնչում։
Թեև Շեբայի թագուհու գոյությունն ապացուցված չէ, նրա կերպարը մեծ ազդեցություն է ունեցել Եվրոպայի, հյուսիսային Աֆրիկայի և Մերձավոր Արևելքի ժողովուրդների ժողովրդական բանահյուսության վրա։