Նել

Գյուղ
Նել
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Գյոզալդարայի գավառակ
Պաշտոնական լեզու	Հայերեն
Բնակչություն	181 մարդ (1914)
Ազգային կազմ	Հայեր (մինչև Մեծ եղեռնը)
Տեղաբնականուն	նելցի
Ժամային գոտի	UTC+3
Նել (Աշխարհ)

Նել, գյուղ Արևմտյան Հայաստանում, Բիթլիսի վիլայեթի Գյոզալդարայի գավառակում։ Գտնվում էր Բիթլիս քաղաքից 15 կմ հյուսիս-արևելք, Վանա լճից 4 կմ հարավ՝ գետափին։

Բնակչություն

1880-ականներին ուներ 40 տուն, իսկ 1914 թվականին 27 տուն՝ 181 բնակչով։

Տնտեսություն

Բնակչությունը հիմնականում զբաղվում էր երկրագործությամբ, անասնապահությամբ և արհեստներով։

Պատմություն

1986 թվականի դրությամբ պահպանված էր Նել գյուղում գրված մի ձեռագիր։

Գյուղը թուրքերի կողմից ավերվել ու ոչնչացվել է 1895 թվականին, իսկ 1915 թվականի Մեծ եղեռնի ժամանակ հիմնովին ոչնչացվել է։

Պատմամշակույթային կառույցներ

Նելն ուներ Ս. Սարգիս անունով եկեղեցի, որին կից գործում էր Մուշեղյան վարժարանը։ Գյուղից արևելք գտնվում էր Ս. Հովհաննես հոյակերտ վանքը, իսկ հարավ-արևելքում Ս. Հարություն վանքի ավերակները։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։