Մկրտիչ Մկրտչյան (մանկավարժ)
Անվան այլ կիրառումների համար տե՛ս՝ Մկրտիչ Մկրտչյան (այլ կիրառումներ)
| Մկրտիչ Մկրտչյան | |
|---|---|
| Ծնվել է | 1918 |
| Ծննդավայր | Պեմզաշեն, Ալեքսանդրապոլի գավառ |
| Մահացել է | անհայտ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Աշխատավայր | ՀԱՊՀ |
| Պարգևներ և մրցանակներ | |
Մկրտիչ Գեիմի Մկրտչյան (1918, Պեմզաշեն, Ալեքսանդրապոլի գավառ - անհայտ), հայ մանկավարժ։ ՀԽՍՀ վաստակավոր ուսուցիչ։ Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Մկրտիչ Մկրտչյանը ծնվել է 1918 թվականին, Արթիկի շրջանի Պեմզաշեն ավանում։ 1937-1941 թվականներին աշխատել է Պեմզաշենի դպրոցում, դասավանդել հայոց լեզու[1]։
Կարմիր բանակ է զորակոչվել 1941 թվականի հունիսի 22-ին։ Գործող բանակ է մեկնել 1942 թվականի սեպտեմբերին։ Մասնակցել է Հյուսիսային Կովկասի մի շարք քաղաքների ու բնակավայրերի ազատագրման կռիվներին։ Կրտսեր հրամանատարների դասընթացներն ավարտելուց հետո ծառայել է 9-րդ գվարդիական օդային-դեսանտային դիվիզիայում, մարտնչել Բելգորոդի, Պոլտավայի ազատագրման համար։ Բելգորոդի ուղղությամբ մղած մարտերում Մկրտչյանը երկու անգամ վիրավորվել է, բայց մնացել է ռազմաճակատում։ Երրորդ անգամ ծանր վերք է ստացել և Ուֆայում բուժվելուց հետո, 1944 թվականի հունվարին, որպես Հայրենական պատերազմի հաշմանդամ, զորացրվել է բանակից[1]։
1944-1962 թվականներին Մկրտչյանն աշխատել է Արթիկի շրջանի դպրոցներում։ Դասավանդել է հայոց լեզու և գրականություն։ Եղել է դպրոցի ուսմասվար և տնօրեն։ 1962 թվականին տեղափոխվել է Երևան, աշխատել Հայկոոպում որպես ուսումնական հաստատությունների տեսուչ։ 1969 թվականից Երևանի Կառլ Մարքսի անվան պոլիտեխնիկական ինստիտուտում եղել է հայոց լեզվի ամբիոնի ավագ դասախոս։ Մկրտչյանն ավարտել է Երևանի հեռակա մանկավարժական ինստիտուտի լեզվագրական ֆակուլտետը[1]։
Պարգևատրվել է մարտական և աշխատանքային մեդալներով։
Պարգևներ[խմբագրել | խմբագրել կոդը]
- ՀԽՍՀ վաստակավոր ուսուցիչ