Մասրենի Կլուկի
| Մասրենի Կլուկի | |
 Մասրենի Կլուկի | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Վարդածաղկավորներ (Rosales) |
| Ընտանիք | Վարդազգիներ (Rosaceae) |
| Ենթաընտանիք | Վարդայիններ (Rosoideae) |
| Ցեղ | Վարդենի (Rosa) |
| Տեսակ | Մասրենի Կլուկի (R. obtusifolia) |
| Միջազգային անվանում | |
| Rosa obtusifolia | |
Մասրենի Կլուկի (լատին․՝ Rosa klukii Bess), վարդազգիների ընտանիքի, մասրենի ցեղի բույս։
Նկարագրություն[խմբագրել | խմբագրել կոդը]
Տերևաթափ թուփ է՝ 0,8-1 մ բարձրությամբ, նոսր ճյուղերով։ Փշերը միատիպ են, բազմաթիվ, խոշոր, սեղմված, մանգաղաձև կամ կեռիկավոր։ Տերևները գեղձիկասղոցաեզր են, կլորավուն, աղվամազապատ (հատկապես միջին ջղերի ուղղությամբ)։ Ծաղիկներն ունեն երկար, հարթ կոթուններ։ Բաժակաթերթիկները փետրաձև են, ատամնավոր բաժիններով, դեպի ցած ծռված, պտուղների կազմավորման ժամանակ թափվում են։ Պսակաթերթիկները սպիտակ են կամ վառ վարդագույն, մոտ 2,0 սմ երկարությամբ։
Տարածվածություն[խմբագրել | խմբագրել կոդը]
Տարածված է Կովկասում, նախկին ԽՍՀՄ-ի եվրոպական մասում, Ղրիմում, Արևմտյան Եվրոպայում, Փոքր Ասիայում, Արևմտյան Հայաստանում։ Մեր հանրապետության տարածքում հանդիպում է Ապարան-Հրազդանում, Վայքում, Արարատյան դաշտի նախալեռնային գոտում (Գեղարդ), Ջանգեզուրում, Մեղրիում, գլխավորապես միջին լեռնային գոտում, ժայռոտ լանջերի վրա, թփուտներում։
Կիրառություն[խմբագրել | խմբագրել կոդը]
Արժեքավոր է որպես երաշտադիմացկուն պատվաստակալ։ Էկոլոգիական խումբը՝ XI: Մշակության հավանական շրջանները՝ 1-32[1]:
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 408։
 | Վիքիպահեստն ունի նյութեր, որոնք վերաբերում են «Մասրենի Կլուկի» հոդվածին։ |
|
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |