Մասնակից:Sona Vardanyan/Մադալինա Գենեա
Այս հոդվածն աղբյուրների կարիք ունի։ Եթե հոդվածում մեկ շաբաթվա ընթացքում հոդվածի նյութին առնչվող հեղինակավոր և երկրորդական նվազագույնը մեկ աղբյուր չավելացվի, ապա հոդվածը ենթակա է ջնջման։ Հոդվածը պիտակվել է՝ 27/07/18 ամսաթվին։ Հոդվածը պիտակողին՝Խնդրում ենք տեղադրել այս {{subst:Ծանուցում/Անաղբյուր|Sona Vardanyan/Մադալինա Գենեա}}-- ~~~~ հաղորդագրությունը հոդվածը ստեղծած մասնակցի քննարկման էջում։ |
Sona Vardanyan/Մադալինա Գենեա |
---|
Մադալինա Դիանա Գենեա (անգլ.՝ Mădălina Diana Ghenea, ), ռումինական ծագմամբ իտալացի մոդել:
Կենսագրություն[խմբագրել | խմբագրել կոդը]
Մադալինան ծնվել է Ռումինիայի Սլատինա քաղաքում, խոսում է 4 լեզուներով, սիրում է կարդալ և ճանապարհորդել: Մոդել է դարձել 14 տարեկանում: Դեռ մինչև դպրոցն ավարտելը Մադալինան արդեն շատ հայտնի էր` շնորհիվ իր կազմվածքի և հայացքի: Նկարահանումներին մասնակցելու պատճառով դասերի բացթողումները դպրոցում խնդիրների պատճառ են դառնում: Իսկ երբ 16-ամյա Մադալինան լուսանկարահանվում է ներքնազգեստով, նրան առհասարակ հեռացնում են դպրոցից: Ուսուցիչները համարում էին և շարունակում են համարել, որ նման նկարահանումներն անընդունելի են 10-րդ դասարանի աշակերտուհու համար: Մադալինան փոխում է դպրոցը, սակայն չի հրաժարվում նկարահանումերից: Մի քանի տարի անց աղջիկը տեղափոխվում է Իտալիա, որտեղ նրա կարիերան սկսում է արագ թափ ստանալ:
Վերջին մի քանի տարիների ընթացքում Մադալինան գովազդում է Lascana ընկերության ներքնազգեստ` նկարահանվելով ամսագրերի և գովազդային արշավների համար: Մադալինան աշխատել է այնպիսի բրենդների հետ, ինչպիսիք են Borghetti Liquor, Gioelliamo, Grimaldimare, Lepel, Lise Charmel, Piera Lingerie և Solera Intimo: Ներկայումս նա ներքնազգեստի առաջատար մոդելներից է:
2007 թվականին նկարահանվել է Էրոս Ռամազոտիի «Il tempo tra di noi» տեսահոլովակում, ինչպես նաև, «I soliti idioti» իտալական ֆիլմում խաղացել է Իրինայի դերը:
2011-ին մասնակցել է «Պարեր աստղերի հետ» իտալական հեռուստատեսային հաղորդմանը, որտեղ նա հանդես է եկել պարող Սիմոնե դի Պասկուալեի հետ:
2012 թվականին նկարահանվել է իտալական «Razza Bastarda» ֆիլմում: Նույն թվականին սկսվել են Ջուդ Լոուի «Հեմինգուեյի տունը» ֆիլմի նկարահանումները, որին Մադալինան նույնպես մասնակցել է: Նա նաև նկարահանվել է ֆրանսիական «Բորջիա» հեռուստասերիալի երրորդ սեզոնում` խաղալով Դորոթեա Մալատեստա Կարաչոլիի դերը: 2015-ին խաղացել է Միսս տիեզերքի դերը Պաոլո Սորրենտինոյի «Երիտասարդություն» ֆիլմում:
Անձնական կյանք[խմբագրել | խմբագրել կոդը]
Մի ժամանակ Մադալինային սիրավեպ էր վերագրվում իտալացի ֆուտբոլիստի հետ, սակայն նա հերքում էր դա: Դրանից հետո նա՝ ըստ ասեկոսեների, կարճ սիրավեպ է ունեցել Լեոնարդո ԴիԿապրիոյի հետ. աղջկան նկատել են Ավստրալիայում նրա հյուրանոցի համարում, «Մեծն Գեթսբին» ֆիլմի նկարահանումների ժամանակ: 2014 թ. հունվարից նա հանդիպում էր Մայքլ Ֆասբենդերի հետ: Նույն տարվա մարտին նրանք բաժանվում են: 2015 թվականին սկսել է հանդիպել դիզայներ Ֆիլիպ Փլեյնի հետ:
Ֆիլմեր[խմբագրել | խմբագրել կոդը]
Տարի | Ֆիլմի անվանում | Դեր |
---|---|---|
2011 | I soliti idioti: Il film | Իրինա |
2012 | Razza bastarda | Դորինա |
2013 | Dom Hemingway | Փաուլին |
2014 | Borgia | Դորոթեա Մալատեստա |
2015 | Youth | Միսս Տիեզերք |
2016 | Zoolander 2 | էկզոտիկ կին |
2016 | Smitten! | Ռոզալիա Դրագո |
Արտաքին հղումներ[խմբագրել | խմբագրել կոդը]
- Պաշտոնական կայք
- Մադալինա Գենան Թվիթթեր-ում
- «Վոգ»-ի (Vogue) էջը: