Մասնակից:Gevorg Ghazaryan/Ջոն Վիկտոր Էվանս
Gevorg Ghazaryan/Ջոն Վիկտոր Էվանս | |
Ջոն Վիկտոր Էվանս (անգլ.՝ John Victor Evans, ), ամերիկացի քաղաքական գործիչ, Այդահոյի 27-րդ նահանգապետ[1][2]։
Կենսագրություն[խմբագրել | խմբագրել կոդը]
Ջոն Վիկտոր Էվանսը ծնվել է 1925 թվականի հունվարի 18-ին, Այդահո նահանգի Մալադ քաղաքում[3]։ Կրթություն է ստացել Այդահո նահանգի և Սթենֆորդի համալսարանն։ Երկրորդ համաշխարհային պատերազմի ժամանակ Էվանսը ծառայել է ԱՄՆ բանակի շարքերում։ Կյանքի մեծ մասը անցկացրել է հայրենի Մալադ քաղաքում, որտեղ նաև զբաղվել է գյուղատնտեսությամբ և անասնաբուծությամբ։
Էվանսը պաշտոններ է զբաղեցրել ազգային օրենսդրական կոմիտեում, եղել է Բեր գետի ջրօգտագործման ասոցիացիայի և Օնայդա շրջանի զարգացման, պաշտպանության և պաշարների կոմիտեի նախագահ։
1974 թվականին Էվանսը դարձել է Այդահոյի փոխնահանգապետ։ Երբ 1977 թվականի հունվարի 24-ին գործող նահանգապետ Սեսիլ Դեյլ Էնդրյուսին առաջարկվել էր տեղ զբաղեցնել Արտաքին գործերի նախարարությունում, Էվանսը զբաղեցրել է նրա պաշտոնը։ Նոր պաշտոնում նրա առաջին կարևոր փորձություններից են եղել Այդահոյում տեղի ունեցած մեծ երաշտը, որի տնտեսությունը մեծ մասամբ կախված է գյուղատնտեսությունից։ Էվանսը շարունակում էր զբաղվել շրջակա միջավայրի պաշտպանության հարցերով։ Նրան հաջողվել է հաղթել 1978 և 1982 թվականների ընտրություններում։ Իր նահանգապետության վերջին տարիներին գլխավորում էր արոտավայրերի ղեկավարության և ատոմային էներգետիկայի նահանգապետերի ազգային ասոցիացիայի ենթահանձնաժողովները։
Ջոն Էվանսը ամուսնացած է եղել Լոլե Դենիելսի հետ, որից ունեցել է հինգ երեխա։
Ջոն Վիկտոր Էվանսը մահացել է 2014 թվականի հուլիսի 8-ին, Մալադում, Այդահո։
Ծանոթագրություններ[խմբագրել | խմբագրել կոդը]
- ↑ NND.com-Governor John V. Evans
- ↑ «John V. Evans (1925 - 2014)». Idaho Statesman. Boise. obituary. հուլիսի 10, 2014. Վերցված է նոյեմբերի 9, 2014-ին.
- ↑ National Governors Association-John V. Evans Արխիվացված 2011-06-29 Wayback Machine
Գրականություն[խմբագրել | խմբագրել կոդը]
- Nancy Capace Encyclopedia of Idaho. — North American Book Dist LLC, 2001. — С. 134. — 415 с. — ISBN 0403096065
Արտաքին հղումներ[խմբագրել | խմբագրել կոդը]
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Gevorg Ghazaryan/Ջոն Վիկտոր Էվանս կատեգորիայում։ |
Կատեգորիա:Սթենֆորդի համալսարանի շրջանավարտներ
Կատեգորիա:ԱՄՆ դեմոկրատական կուսակցության անդամներ