Մաթևոս Աղայան
Մաթևոս Աղայան (նաև` (Փարսադանյան), նոյեմբերի 16, 1861, Մեղրու շրջան, Կարճևան-դեկտեմբերի 12, 1932, Թիֆլիս), հայ դերասան, բանաստեղծ։
Կենսագրություն[խմբագրել | խմբագրել կոդը]
Մաթևոս Աղայանը ծնվել է Մեղրիի շրջանի Կարճևան գյուղում (այժմ` Սյունիքի մարզ)։ Նախնական կրթությունն ստացել է տեղում։ Մասնակցել է Թիֆլիսի հայոց մշտական դերասականան խմբի ներկայացումներին` խաղալով տարբեր դերեր[1]։ Ինչպես առանձին ներկայացումներ է կազմակերպել, այնպես էլ` խաղացել է Սիրանույշի, Հ. Աբելյանի խմբերում։
Գրել է նաև բանաստեղծություններ։
Մահացել է 1932 թվականի դեկտեմբերի 8-ին, Թիֆլիսում։
Ստեղծագործական կյանք[խմբագրել | խմբագրել կոդը]
1879 թվականից Թիֆլիսի հայոց մշտական դերասանական խմբի ներկայացումներում մարմնավորել է մի շարք դերեր (Լիկաստ, Կակուլի, Գուսման, Լաերտ, Հորտենզիո և այլն)։ Մաթևոս Աղայանը եղել է Պ. Ադամյանի արվեստի հետևորդներից, որոշ ժամանակ նաև նմանակել է նրան, Համլետ է խաղացել դերը և քննադատությունների արժանացել։
Ինչպես առանձին, այնպես էլ` խմբերով հանդես է եկել գավառական բնակավայրերում։ 1886-1887 թվականներին ներկայացումներ է բեմադրել Թավրիզում` համագործակցելով տեղի ուժերի հետ («Սեր և խարդավանք», «Սերը բժիշկ է»)։
Սիրանույշի, Հովհաննես Աբելյանի ղեկավարությամբ Աղայանը խաղացել է տարբեր ներկայացումներում[2]։
1904-1921 թվականին Աղայանը Թիֆլիսում նշել է իր բեմական կյանքի 25, 35, 40-ամյակները։
Թիֆլիսի «Ընկեր» թերթում տպագրվել են Աղայանի գրած բանաստեղծություններից։
Դերեր[խմբագրել | խմբագրել կոդը]
- «Բռնի ամուսնություն»` Լիկաստ
- «Վույ քի, իմ վեչեր»` Կակուլի
- «Դոն Ժուան»` Գուսման
- «Համլետ»` Լաերտ
- «Կամակոր կնոջ սանձահարումը»` Հորտենզիո
- «Անմեղ մեղավորներ»` Մուրով
- «Ավազակներ»` Կարլ Մոոր
- «Դավաճանություն»` Բեսո
- «Ռուզան»` Բուրա Նուին
- «Խանում»` Կոտե Փանդիև
Ծանոթագրություններ[խմբագրել | խմբագրել կոդը]
- ↑ Բ. Հովակիմյան, Թատերական օրացույց, Երևան, 2011
- ↑ Է՜հ, թատրոն, թատրոն