Հուալյան

Հուալյան; 花蓮市
Երկիր	Չինաստան
Մասն է	Թայվան
Կարգավիճակ	county-administered city?, մեծ քաղաք և Indigenous Area?
Մտնում է	Hualien County?
ԲԾՄ	21 մետր
	Chita Tsai(չին:蔡啟塔)
Հիմնական լեզու	Չինարեն
Բնակչություն (2008)	110 000 մարդ
Տարածք	29.41 կմ²
Բարձրություն ծովի մ-ից՝; - Միջին բարձրություն	; 21 մ
Հիմնադրված է	1851 թ.
Սահմանակցում է	Ji'an?, Xincheng? և Xiulin?
Ժամային գոտի	UTC+8:00
Փոխարինեց	Karenkō?
Փոստային ինդեքսներ	970
	hualien.gov.tw
	Հուալյան Վիքիպահեստում

Հուալյան (չին. պարզ. 花蓮市, փինյին Huāliánshì, պալլ. հուա լյան շի), քաղաք Թայվանում, Հուալյան համանուն գավառի մայրաքաղաքը։ Տեղակայված է Խաղախ օվկիանոսի արևելյան ափին գտնվող կղզու վրա։ Բնակչությունը կազմում է մոտ 110.000 բնակիչ։

Քաղաք այցելում են Տարոկո ազգային պարկ ուղևորվող շատ զբոսաշրջիկներ։

Պատմություն[խմբագրել | խմբագրել կոդը]

Համաձայն Հուալյանական շրջանի ժամանակագրության (花蓮縣志) քաղաքն ի սկզբանե կոչվել է Կիլայ (չին. պարզ. 奇萊, փինյին Jīlái, պալլ. Ցզիլայ, թայվաներեն, Kî-lâi; ճապ. きらい Կիրայ)։ Քանի որ «Կիրայ» ճապոներեն նշանակում «ատել» (嫌い), ականջին հաճելի հնչողության համար՝ ճապոնական վարչակազմը XX դարում քաղաքի անվանումը փոխարինեց Կարենի (花蓮; かれん): Երկրորդ համաշխարհային պատերազմից հետո նույն ճապոնական անվանումը սկսեցին չինարեն Հուալյան կարդալ։

1622 թվականից ի վեր իսպանացիներն այստեղ կառուցեցին հանքեր, բայց 1851 թվականին սկսեցին մշտական բնակություն հաստատել։ Ի սկզբանե այստեղ բնակվում էին 2.200 չինացիներ։ Դրանք Թայբեյի գյուղացիներն էին, որոնք այստեղ էին եկել Հուան Աֆենի (黃阿鳳) առաջնորդությամբ։ Լին Ցանի (林蒼安) գլխավորությամբ վերաբնակիչների նոր խումբը 1875 թվականին եկել էին Իլանից։

Չին-ճապոնական պատերազմի ընթացքում (1894 -1895) քաղաքը գրավեցին ճապոնացիները, բայց նրանց քանակը աննշան էր։

Քաղաքը սկսեց ընդարձակվել 1912 թվականին։

Քաղաքային ենթակայության տակ գտնվող տարածքների կառուցվածքը[խմբագրել | խմբագրել կոդը]

Քաղաքի քաղաքապետարանի կազմի մեջ են մտնում 6 կառավարման համակարգերում միավորված 45 գյուղեր (里):

Տրանսպորտ[խմբագրել | խմբագրել կոդը]

Հուալյանը երկաթուղով միացված է երկրի այլ մասերին, իսկ ճեպընթաց գնացքը քաղաքը կապում է մայրաքաղաք Թայբեյի հետ։

Քաղաքի մոտակայքում է գտնվում ներքին օդային ուղիների համար նախատեսված օդանավակայանը։

Կան արագընթաց ավտոբուսային կապերով ճանապարհներ, որոնք ներառում են կղզու լեռնային հատվածով դեպի արևմտյան ափ տանող ճանապարհը (դեպի Տայչժուն)։

Ժողովրդագրություն[խմբագրել | խմբագրել կոդը]

Քաղաքում բնակվում են նաև թայվանական աբորիգեններ՝ հիմնականում ամի, աթայալ և բունուն ցեղեր։

Կլիմա[խմբագրել | խմբագրել կոդը]

Ամռան ջերմաստիճան. 25 °C-32 °C (77 °F-89 °F)

Ձմռան ջերմաստիճան. 15 °C-21 °C (59 °F-70 °F)

Տարեկան միջին ջերմաստիճան. 24 °C (75 °F)

Տարեկան միջին տեղումներ. 2000 մմ

Թայֆուն լինում է հունիսից սեպտեմբեր ընկած ժամանակահատվածում, երբեմն նույնիսկ տարեկան երկու թայֆուն է տեղի ունենում։

Կրթություն և Մշակույթ[խմբագրել | խմբագրել կոդը]

Քաղաքում կա 3 համալսարան, 12 ավագ, 4 միջին և 16 տարրական դպրոց, 37 եկեղեցի և 31 տաճար։ Նաև կան Ցզու ՉԻ բուդդայական համալսարանը և Դունհուա Մեիլուն համալսարանական քաղաքը։

Հիվանդանոցներ[խմբագրել | խմբագրել կոդը]

«Hualien Tzu Chi Medical Center». Արխիվացված է օրիգինալից 2009 թ․ ապրիլի 26-ին. (First Medical Center in Eastern Taiwan)
«Mennonite Christian Hospital». Արխիվացված է օրիգինալից 2009 թ․ ապրիլի 29-ին.
«Hualien Hospital, Department of Health, Execusive Yuan». Արխիվացված է օրիգինալից 2006 թ․ հոկտեմբերի 17-ին.

Տեսարժան վայրեր[խմբագրել | խմբագրել կոդը]

Ափամերձ դիտահարթակ
Հյուսիսային ծովափնյա զբոսայգի (Bei Bin Park)
Ձկան շուկա
Հարավային ծովափնյա զբոսայգի
Գիշերային շուկա
Մեյլուն լեռնային զբոսայգի
Նարնջի այգի
Քանդակագործության թանգարան
Մշակութային ապրանքների վաճառակետեր Հին երկաթուղու հարևանությամբ
Արհեստական ժայռերի փողոց
Ցզուչի բուդդայական կազմակերպության (լուռ խորհրդածություն) Ցզինսի տաղավար
Farglory Ocean Park - զվարճանքի պուրակ քաղաքի մոտակայքում գտնվող դելֆինարիումով

Հետաքրքիր փաստեր[խմբագրել | խմբագրել կոդը]

2016 թվականի նոյեմբերին ծովային նավահանգիստների եվրոպական կազմակերպությունից վկայական ստանալու և «էկո-նավահանգստի» կարգավիճակ ստանալու հավաստագրման ընթացակարգի շրջանակներում Հուալիենի նավահանգիստը անցավ ստուգումների վերջին փուլը^[3]։