Հովնան եպիսկոպոս Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Հովնան եպս. Հակոբյան | ||
| ||
| ||
|---|---|---|
| Կրթություն՝ | Շիրակի թեմի հոգևոր ընծայարան Գևորգյան հոգևոր ճեմարան | |
| Գործունեություն՝ | Գուգարաց թեմի առաջնորդ | |
| Ազգություն | հայ | |
| Դավանանք | Հայաստանյայց Առաքելական Սուրբ Եկեղեցի | |
| Ծննդյան օր | մարտի 4, 1978 (46 տարեկան) | |
| Ծննդավայր | Գյումրի, Շիրակի մարզ,  Հայաստան
| |
Հովնան եպիսկոպոս Հակոբյան, Հայ Առաքելական Եկեղեցու Գուգարաց թեմի առաջնորդ։
Կենսագրություն[խմբագրել | խմբագրել կոդը]
Տ. Հովնան եպիսկոպոս Հակոբյանը (ավազանի անունով Արթուր) ծնվել է 1978թ. Գյումրի քաղաքում։
Կրթությունը և հոգևոր ծառայությունները[խմբագրել | խմբագրել կոդը]
1985-1993 թթ. սովորել է տեղի Պետրոս Դուրյանի անվան թիվ 28 միջնակարգ դպրոցում։ 1993-1997 թթ. ուսանել և ավարտել է Շիրակի թեմի հոգևոր ընծայարանը։ 1997-2003 թթ. ուսանել է Մայր Աթոռ Ս. Էջմիածնի Գևորգյան հոգևոր ճեմարանում։ 2002 թ. դեկտեմբերի 24-ին` Ս. Ստեփաննոս նախավկայի տոնին, ձեռամբ Տ. Ներսես արքեպիսկոպոս Պոզապալյանի, ձեռնադրվել է սարկավագ։ 2003 թ. Ն.Ս.Օ.Տ.Տ Գարեգին Բ. Ամենայն Հայոց Կաթողիկոսի տնօրինությամբ աշխատանքի է անցել Կաթողիկոսարանում` որպես պարետ։ 2003 թ. հոկտեմբերի 30-ին պաշտպանել է ավարտաճառ` «Հովհան Օձնեցու արմատական բարեփոխումները հայոց Ճաշոց-տոնացույցում» թեմայով։ 2003 թ. նոյեմբերի 23-ին, ձեռամբ Տ. Դավիթ արքեպիսկոպոս Սահակյանի, ձեռնադրվել է կուսակրոն քահանա։ 2004 թ. ուսանել է Գերմանիայի Արևելյան եկեղեցիների ինտիտուտում` հետևելով գերմաներենի դասընթացներին։ 2006 թ. հունիսի 20-ից նշանակվել է Ամենայն Հայոց Կաթողիկոսի գավազանակիր։ 2008 թ. դեկտեմբերի 20-ից նշանակվել է Մայր Աթոռ Սուրբ Էջմիածնի արարողապետ` շարունակելով գավազանակրի պարտականությունը։ 2010 թ. ապրիլի 15-ին պաշտպանել է վարդապետական թեզ «Թոնդրակեցիների կեղծ աղանդը» թեմայով։ 2010 թ. ապրիլի 20-ին ստացել է Վարդապետական մասնավոր չորս աստիճանները` ձեռամբ Մայր Աթոռ Սուրբ Էջմաիծնի լուսարարապետ Տ. Արարատ եպիսկոպոս Գալթակչյանի։ Նույն տարում մեկնել է ԱՄՆ-ի Սան Կլաուդ քաղաքի Սուրբ Հովհաննես համալսարան` հետևելով աստվածաբանության դասընթացների։ 2010 թ. դեկտեմբերի 20-ին Նորին Սրբության բարձր տնօրինությամբ նշանակվել է Մայր Աթոռ Սուրբ Էջմիածնի լուսարարապետի պաշտոնակատար։ 2011 թ. սեպտեմբերի 7-ին Վեհափառ Հայրապետի բարձր տնօրինությամբ նշանակվել է Մայր Աթոռ Սուրբ Էջմիածնի լուսարարապետ[1]։ 2011թ. նոյեմբերի 6-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի ձեռամբ ստացել է եպիսկոպոսական ձեռնադրություն և օծում։ 2020 թ. դեկտեմբերի 21-ին Ն․Ս․Օ․Տ․Տ․ Գարեգին Երկրորդ Ծայրագույն Պատրիարք և Ամնայն Հայոց Կաթողիկոսի hայրապետական տնօրինությամբ, ազատվելով Մայր Աթոռ Սուրբ Էջմիածնի լուսարարապետի և մայրավանքում զբաղեցրած մյուս բոլոր պաշտոններից, նշանակվել է Գուգարաց թեմի առաջնորդ[2]։
Ծանոթագրություններ[խմբագրել | խմբագրել կոդը]
- ↑ «Տ. Հովնան եպիսկոպոս Հակոբյան». www.armenianchurch.org. 07.09.2011. Վերցված է 28.12.2021-ին.
- ↑ «Տ. Հովնան եպիսկոպոս Հակոբյանը նշանակվել է Գուգարաց թեմի առաջնորդ». armenpress.am. 22.10.2020. Վերցված է 28.12.2020-ին.