Հոնիական հանրապետություն
| Հոնիական հանրապետություն | |||||
| |||||
 | |||||
| Հիմնադրված է | նոյեմբերի 9, 1815 թ. | ||||
|---|---|---|---|---|---|
| Մակերես | 2659 կմ² | ||||
| Պաշտոնական լեզու | հունարեն և իտալերեն | ||||
| Բնակչություն | 236 000 մարդ (1864) | ||||
| |||||
.svg)
Հոնիական հանրապետություն (հուն․՝ Ηνωμένον Κράτος των Ιονίων Νήσων; իտալ.՝ Stati Uniti delle Isole Ionie), պատմական պետություն, որը կազմված է եղել Հոնիական կղզիներից, գոյություն է ունեցել 1815-1864 թվականներում։ Հանդիսացել է Մեծ Բրիտանիայի պրոտեկտորատ։ Հունական պետության ձևավորումից հետո Մեծ Բրիտանիան նվիրել է հույների թագավոր Գեորգեոսին[1]։
.svg)
Պատմություն[խմբագրել | խմբագրել կոդը]
Հոնիական կղզիները դարեր շարունակ եղել է Վենետիկյան հանրապետության կազմի մեջ, մինչև ըստ Կամպոֆորմիդոյի հաշտության համաձայնագրի 1797 թվականին անցել են հեղափոխական Ֆրանսիային։ 1798-1799 թվականներին ռուս-թուրքական ուժերը ֆրանսիացիներին կղզիներից դուրս են մղել, և այնտեղ ձևավորվել է Յոթ կղզիների Հանրապետություն, որը գոյատևել է մինչև 1800-1807 թվականները։ Դրանից հետո Ֆրանսիան կրկին միացրել է Հոնիական կղզիները, և դրանք ընդգրկվել են նրա Իլլիրիենյան գավառների (ֆր.՝ Provinces illyriennes) կազմի մեջ։
1809 թվականի հոկտեմբերի 2-ին անգլիացիները ջարդել են ֆրանսիական նավատորմը Զակինթոսի մոտ և գրավել են Զակինթոս, Կեֆալոնիա և Կիտիրա կղզիները։ 1810 թվականին անգլիացիները գրավել են Լեֆկադան։ Քորֆուն մնացել է Ֆրանսիայի տիրապետության տակ մինչև 1814 թվականը։
Վիեննայի կոնգրեսի լիազորմամբ կղզիները փոխանցվել են Մեծ Բրիտանիայի «բարեկամական պրոտեկտորատին»։ Մեծ Բրիտանիան այնտեղ ռազմական վարչակազմ է հիմնել, իսկ Ավստրիական կայսրությունը երաշխավորել է, որ կղզիները կունենան Մեծ Բրիտանիայի հետ հավասար առևտրային կարգավիճակ[2]։ 1817 թվականի օգոստոսի 26-ին հաստատվել է «Մեյտլենդի Սահմանադրությունը», ըստ որի ձևավորվել է Յոթ կղզիների ֆեդերացիան, իսկ Գեներալ լեյտենանտ սըր Թոմաս Մեյտլենդը (անգլ.՝ Thomas Maitland) դարձել է Հոնիական կղզիների առաջին Գերագույն հանձնակատարը։
1864 թվականի մարտի 29-ին Մեծ Բրիտանիան, Հունաստանը, Ֆրանսիան և Ռուսաստանը Լոնդոնում պայմանագիր են ստորագրել, որի վավերացումից հետո կղզիները պետք է անցնեին Հունաստանին։ Մայիսի 28-ին Հոնիական կղզիների Գերագույն հանձնակատարը հրապարակել է Հոնիական հանրապետությունը Հունաստանի թագավորության հետ միավորելու հռչակագիր[3]։
Ծանոթագրություններ[խմբագրել | խմբագրել կոդը]
- ↑ The Times (London) 8 June 1863 p. 12 col. C
- ↑ Hammond, Richard James (1966). Portugal and Africa, 1815–1910 : a study in uneconomic imperialism. Stanford University Press. էջ 2. ISBN 0-8047-0296-9.
- ↑ Hertslet, Edward. The map of Europe by treaty (PDF). էջ 1609. Վերցված է 2006 թ․ հուլիսի 21-ին.
Արտաքին հղումներ[խմբագրել | խմբագրել կոդը]
- "Territories of the British Empire, History of the Ionian Islands". David Rumsey Map Collection.
- The Constitution in Italian.
- Official website. (հունարեն)
 | Վիքիպահեստն ունի նյութեր, որոնք վերաբերում են «Հոնիական հանրապետություն» հոդվածին։ |
- Բնակավայրեր այբբենական կարգով
- 1810-ականներին հիմնադրված պետություններ և տարածքներ
- 1815 հիմնադրված պետություններ և տարածքներ
- 1864 կազմալուծումներ
- 1864 կազմալուծված պետություններ և տարածքներ
- 19-րդ դարը Եվրոպայում
- Բալկանյան թերակղզու պատմական երկրներ
- Եվրոպայի պատմական երկրներ
- Հունաստանի պատմություն
- Մեծ Բրիտանիայի պատմություն
- Նախկին բրիտանական գաղութներ
- Նախկին հանրապետություններ
- Պատմական երկրներ
- Ֆրանկական և լատինական Հունաստան