Հեշտոցային օղեր
Հեշտոցային օղեր (նաև՝ ներհեշտոցային օղեր կամ V-օղեր) դեղանյութի ներմուծման համար նախատեսված պոլիմերային հարմարանքներ, որոնք համեմատաբար երկար ժամանակահատվածի ընթացքում ապահովում են դեղանյութերի վերահսկվող արտահոսք՝ ներհեշտոցային ներցայտման եղանակով։ Օղը տեղադրվում է հեշտոցում և ապահովում է բեղմնականխում։ Օղը հեշտոցում տեղադրելուց հետո՝ երեք շաբաթվա ընթացքում դանդաղորեն կնոջ օրագնիզմ է արտազատում հորմոններ, հիմնականում ներհեշտոցային ներցայտման համար նախատեսված էստրոգեն և/կամ պրոգեստոգեն (հորմոնների խումբ է, որը պարունակում է պրոգեստերոն)։ Այս հորմոնները կանխում են ձվազատումը և խտացնում արգանդի պարանոցի լորձը՝ ստեղծելով պատնեշ, ինչը խոչընդոտում է ձվաբջջի սպերմատոզոիդով բեղմնավորվելուն։ Երեք շաբաթ շարունակաբար կրելու, այնուհետ մեկ շաբաթ դադարի դեպքում յուրաքանչյուր հեշտոցային օղ ապահովում է մեկ ամսվա բեղմնականխում։
Ներկայում հասանելի են հեշտոցային օղի մի քանի տեսակներ, այդ թվում՝ Նուվարինգը, որը հորմոնների ցածր չափաբաժին պարունակող բեղմնականխիչ հեշտոցային օղ է, (պատրաստվում է պոլիվինիլացետատից)։ Այն արտազատում է էտոնոգէստրել (պրոգեստին) և էթինիլէստրադիոլ (էստրոգեն)։ Միջոցը գրանցված է նաև Հայաստանում։
Օգտագործման եղանակներ[խմբագրել | խմբագրել կոդը]
Հեշտոցային օղի տեղադրումն ու հեռացումը դժվար չէ։ Հեշտոցի պատերը պահում են օղը իր տեղում։ Թեպետ հեշտոցում օղի ճիշտ տեղադրությունն էական չէ միջոցի ազդեցության արդյունավետության տեսանկյունից, այն հիմնականում տեղադրվում է արգանդի պարանոցին կից։ Սեռական ակտի ընթացքում, որպես կանոն, օղը մնում է հեշտոցում և հիմնականում չի խանգարում ու չի պատճառում որևէ անհարմարություն զույգերին։ Շատ դեպքերում զուգընկերները չեն զգում օղի առկայությունը։ Օղը կարելի է հեռացնել սեռական հարաբերություն սկսելուց առաջ, սակայն, Նուվարինգ բեղմնականխիչ միջոցից օգտվելու դեմքում, այն կարելի է հեռացնել միայն 1-3 ժամով ՝ բեղմնականխման ազդեցությունը պահպանելու նպատակով[1]։ Նուվարինգը տեղադրվում է հեշտոցում 3 շաբաթ, որից հետո այն դուրս է բերվում մեկ շաբաթով դաշտան տեղի ունենալու համար։
Ծանոթագրություններ[խմբագրել | խմբագրել կոդը]
- ↑ «FAQs on nuvaring.com». Արխիվացված է օրիգինալից 2012 թ․ հուլիսի 6-ին. Վերցված է 2016 թ․ հունվարի 16-ին.