Հայոց ցեղասպանության խաչ-հուշարձան (Ստեփանակերտ)
Հայոց ցեղասպանության խաչ-հուշարձան (Ստեփանակերտ) | |
---|---|
Տեսակ | հուշարձան |
Երկիր | Արցախ |
Հիմնական թեմա | Հայոց ցեղասպանություն |
Հայոց ցեղասպանության խաչ-հուշարձան, Հայոց ցեղասպանության զոհերի հիշատակին նվիրված խաչ-հուշարձան Արցախի Հանրապետության մայրաքաղաք Ստեփանակերտի բարձունքներից մեկում։
Պատմություն[խմբագրել | խմբագրել կոդը]
Հուշարձանը նվիրված է 1915 թվականի Հայոց Ցեղասպանության զոհերի հիշատակին։ Տեղադրվել է 2015 թվականի մայիսի 6-ին Ստեփանակերտ քաղաքի Կրկժան թաղամասում Հայոց ցեղասպանության 100-րդ տարելիցի միջոցառումների շրջանակում[1]։
Միջոցառմանը մասնակցել են Արցախի նախագահ Բակո Սահակյանը, Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, պաշտոնատար անձինք։ Խաչ-հուշարձանի տեղադրումը նախաձեռնել է «Առաջ Արցախ» երիտասարդական կազմակերպությունն իր անդամների սեփական միջոցներով ու բարերարների աջակցությամբ։
Գիշերային ժամերին խաչ-հուշարձանը լուսավորվում է։
Ծանոթագրություններ[խմբագրել | խմբագրել կոդը]
- ↑ «Հայոց ցեղասպանության 100-րդ տարելիցին նվիրված խաչ-հուշարձանի բացման և օծման հանդիսավոր արարողություն». Արխիվացված է օրիգինալից 2019 թ․ ապրիլի 7-ին. Վերցված է 2015 թ․ օգոստոսի 18-ին.