Հայկական մշակույթի ժամանակաշրջան
| Հայկական մշակույթի ժամանակաշրջան | |
|---|---|
 | |
| Երկիր |  Ռուսաստան |
 Seasons of Armenian culture Վիքիպահեստում | |
Հայկական մշակույթի ժամանակաշրջան (ռուս.՝ Сезон армянской культуры), տարբեր թեմատիկ միջոցառումների ամենամյա շարք, որի նպատակն է տարբեր կատեգորիաների մարդկանց համար նախատեսված բազմաժանր միջոցառումների միջոցով մասնակիցներին ծանոթացնել հայկական մշակույթին[1][2][3]։
Հայկական մշակույթի ժամանակաշրջանը կազմակերպվում է DUDUKIST նախագծի և Մոսկվայի հայկական թանգարանի կողմից[2][4]։
Պատմություն[խմբագրել | խմբագրել կոդը]
2019 թվականին Հայկական մշակույթի ժամանակաշրջանն անցկացվել է Մոսկվայում սեպտեմբերի 15-ից դեկտեմբերի 8-ը։ Սեզոնի ընթացքում անցկացվել են ավելի քան 40 միջոցառումներ՝ համերգներ, ուսումնական դասախոսություններ, ինտերակտիվ համերգներ երեխաների համար, խոհարարական, երաժշտության և արվեստի վարպետության դասեր[2]։
Երաժշտական շարք[խմբագրել | խմբագրել կոդը]
Միջոցառումների երաժշտական շարքի շրջանակում ակուստիկ համերգները անկացվում են Սերգեյ Պրոկոֆևի թանգարանում, որի շրջանակում մասնակիցները իրենց համար ընտրում են համերգի տասներկու ձևաչափից ցանկացածը՝ «Դուդուկ և երգեհոն»՝ մենակատար Մարտին Ղազարյան, «Հայաստանի ձայները»՝ Թամզարա խումբ, «Դուդուկը դասական երաժշտության մեջ»՝ Խոսրով Մանուկյան, «Սերունդների հաջորդակություն»՝ Արմեն Հովհաննիսյան և Իսկուհի Կարապետյան, «Մոսկվայի հայ վիրտուոզներ»՝ Նոյան լարային քառյակ, «Դարերի երաժշտություն»՝ Գեղամ Օհանյանի անվան ժողովրդական երաժշտության համույթ, Ջիվան Գասպարյան Կրտսեր՝ ռուսական լարային անսամբլի, դուդուկի անսամբլ, «Դուդուկ և ձայն»՝ Արտեմ Տեր-Հովհաննիսյան և Աննա Ավակյան, «Էթնիկ երաժշտություն»՝ Պրայագ խումբ, «Էթնո-ջազ»՝ Հարություն Խաչատրյան և լավագույն ջազ երաժիշտներ, համերգների շարքն ավարտվում է «Ռուսաստանը և Հայաստանը լավագույն ընկերներ են» ծրագրով Վալերի Սեմին, Մարինա Սելիվանովա և այլք[2][5][6][7]։
Մանկական շարք[խմբագրել | խմբագրել կոդը]
«Սպիտակ ամպեր» մշակութային կենտրոնում մանկական միջոցառումների շրջափուլի շրջանակում մասնակից երեխաները խաղային ձևով սովորում են հայկական ժողովրդական և դասական երաժշտություն՝ համերգների ժամանակ կարող են շարժվել, պարել, երգել, ծանոթանալ գործիքներին և շփվել երաժիշտների հետ։ Համերգները ներկայացնում են երկու անսամբլներ՝ «Նոյան» լարային քառյակը և «Գեղամ Օհանյանի» անվան հայկական ժողովրդական երաժշտության անսամբլը։ Համերգներն անցկացվում են «Սպիտակ ամպեր» մշակութային կենտրոնում[2]։
Վարպետության դասեր[խմբագրել | խմբագրել կոդը]
Ուսումնական միջոցառումների շարքի շրջանակներում անցկացվում են մի շարք վարպետության դասեր՝ երաժշտական, գեղարվեստական և խոհարարական։ Վարպետության դասի շրջանակում ժողովրդական գործիքներ նվագելիս յուրաքանչյուր մասնակից ունի իր գործիքը, որի վրա կարող է մի պարզ մեղեդի նվագել պրոֆեսիոնալ մանկավարժի ղեկավարությամբ (մանկավարժներ՝ Արմեն Հովհաննիսյան՝ դուդուկ, Հենրի Ղուկասյան՝ դհոլ, Իսկուհի Կարապետյան՝ քանոն)։
«Հայաստանը գույներով» արվեստի վարպետության դասերի շարքի շրջանակում, որը բաղկացած է 4 փուլից, մասնակիցները՝ պրոֆեսիոնալ նկարիչ Էմիլ Աբրահամյանի գլխավորությամբ, կտավի վրա նկարում են Հայաստանի տեսարաններով նկարներ՝ ակրիլային ներկերով[2]։
Խոհարարական վարպետության դասերը՝ պրոֆեսիոնալ խոհարարներ Կասիմ Էրիստովի և Ալվարդ Բաղդասարյանի գլխավորությամբ, անցկացվում են հատուկ կահավորված LIVE Kitchen ստուդիայում։ Վարպետության դասի շրջանակներում յուրաքանչյուր մասնակից պատրաստում է հայկական խոհանոցի երեք ուտեստ[2][8]։
Ուսումնական դասախոսություններ[խմբագրել | խմբագրել կոդը]
Ուսումնական դասախոսություններն անցկացվում են Լազարևների պատմական առանձնատանը, որտեղ այժմ տեղակայված է Հայաստանի դեսպանությունը։ Մարիա Սահինովան երկու հանդիպում է անցկացնում՝ «Հայաստան. երկիր, որը զարմացնում է նույնիսկ փորձված զբոսաշրջիկներին» և «Գինու հեղափոխություն Հայաստանում՝ ինչ համտեսել, ինչ խմել և ինչ դիտել», որն ուղեկցվում է համտեսով։ Պատմաբան Ալեքսանդր Չերեմինը դասախոսություն է անցկացնում «Հայաստանի պատմություն հնագույն ժամանակներից մինչև մեր օրերը՝ իրադարձություններ և մարդիկ»[2]։
Պատկերասրահ[խմբագրել | խմբագրել կոդը]
-
«Սերունդների շարունակականություն» համերգ -
«Սերունդների շարունակականություն» համերգ -
«Դուդուկ և ձայն» համերգ -
Ջիվան Գասպարյան Կրտսերը և Ռուսական լարային անսամբլը
Ծանոթագրություններ[խմբագրել | խմբագրել կոդը]
- ↑ «Осенний сезон армянской культуры пройдет в Москве». Արխիվացված օրիգինալից 2020 թ․ մարտի 23-ին. Վերցված է 2020 թ․ մարտի 23-ին.
- ↑ 2,0 2,1 2,2 2,3 2,4 2,5 2,6 2,7 «Осенний сезон армянской культуры — крупнейший армянский фестиваль в истории Москвы». Արխիվացված օրիգինալից 2020 թ․ մարտի 23-ին. Վերցված է 2020 թ․ մարտի 23-ին.
- ↑ «Источник». Արխիվացված օրիգինալից 2019 թ․ հոկտեմբերի 1-ին. Վերցված է 2020 թ․ ապրիլի 5-ին.
- ↑ «Хроники Сезона армянской культуры». Արխիվացված օրիգինալից 2021 թ․ դեկտեմբերի 5-ին. Վերցված է 2020 թ․ ապրիլի 5-ին.
- ↑ «Мастера открывают секреты игры на древнем инструменте». Արխիվացված օրիգինալից 2019 թ․ հոկտեմբերի 22-ին. Վերցված է 2020 թ․ ապրիլի 5-ին.
- ↑ От музыки до кухни: в Москве впервые проходит Сезон армянской культуры
- ↑ «VI Московский международный фестиваль дудука». Արխիվացված օրիգինալից 2020 թ․ սեպտեմբերի 21-ին. Վերցված է 2020 թ․ ապրիլի 5-ին.
- ↑ «Кулинарные секреты: в Москве пройдут мастер-классы армянской кухни». Արխիվացված օրիգինալից 2019 թ․ դեկտեմբերի 4-ին. Վերցված է 2020 թ․ ապրիլի 5-ին.