Կորնգան Հայաստանի
| Կորնգան Հայաստանի | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Onobrychis hajastana
|
Կորնգան Հայաստանի (լատին․՝ Onobrychis hajastana), լոբազգիների ընտանիքին պատկանող ծածկասերմ բույս։ Գրանցված է Հայաստանի Կարմիր գրքում։
Նկարագրություն[խմբագրել | խմբագրել կոդը]
25-70 սմ բարձրությամբ բազմամյա խոտաբույս է։ Տերևիկները լինում են 4-8 զույգ, 10-30 մմ երկարությամբ և 1-2 մմ լայնությամբ։ Ծաղկակիրները՝ ծաղկաբույլի հետտ միասին ունեն 7-20 սմ երկարություն։ Ծաղկաբույլը ծաղկելուց հետո երկարացող է։ Բաժակը առսեղմ մազոտ է։ Պսակը լինում է վարդագույն-սպիտակից մինչև կարմիր-վարդագույն։ Դրոշը մերկ է, մոտ 6-10 մմ երկարությամբ։ Ունդերը առսեղմ թավոտ են։
Տարածում[խմբագրել | խմբագրել կոդը]
Հանդիպում է Գեղամի (Գեղարդ, Զառ, Քյանքան, Գելայսոր գյուղերի շրջակայք) և Երևանի (Ջրվեժ, Ողջաբերդ, Զովաշեն, Գառնի գյուղերի շրջակայք) ֆլորիստիկական շրջաններում։ Հանդիպում է նաև Նախիջևանում, Հյուսիսարևելյան Անատոլիայում։
Էկոլոգիա[խմբագրել | խմբագրել կոդը]
Աճում է ստորին և միջին լեռնային գոտիներում՝ ծովի մակարդակից 800-1850 մ բարձրությունների վրա։ Ծաղկում է հունիս-հուլիս ամիսներին, պտղաբերում՝ հուլիս-օգոստոսին։
Պահպանություն[խմբագրել | խմբագրել կոդը]
Վտանգված տեսակ է։ Տարածման և բնակության շրջանների մակերեսը 500 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ CITES–ի և Բեռնի կոնվենցիաների հավելվածներում։
Պոպուլյացիայի մի մասը պահպանվում է «Էրեբունի» և «Խոսրովի անտառ» պետական արգելոցների տարածքներում[1]։
Ծանոթագրություններ[խմբագրել | խմբագրել կոդը]
- ↑ Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Կորնգան Հայաստանի» հոդվածին։ |
|
|