Կոռնաթի
 | |
|---|---|
 | |
| Տեսակ | կղզիների խումբ |
| Կազմված է | Կորնատ և Žut? |
| Երկիր |  Խորվաթիա |
| Վարչատարածք | Murter-Kornati?[1] |
| Մակերես | 320 կմ² |
  | |
Կոռնաթի (խորվ.՝ Kornati), ազգային պարկ Խորվաթիայում։ Տեղակայված է Կենտրոնական Դալմաթիայում՝ Ադրիատիկ ծովում գտնվող Կոռնաթի կղզեխմբում՝ Զադար, Շիբենիկ և Բիոգրադ նա Մորու քաղաքներից ոչ հեռու։
Ընդհանուր տեղեկություն[խմբագրել | խմբագրել կոդը]
Ազգային պարկը գրավում է կղզեխմբի մեծ մասը, այն չի ընդգրկում միայն կղզեխմբի հյուսիսային մասում գտնվող մի քանի կղզիներ։ Ազգային պարկի տարածքում ընդգրկված են 89 կղզիներ՝ 50 կմ² ընդհանուր մակերեսով և 238 կմ-ը գերազանցող ափագծով։ Ազգային պարկի ընդհանուր մակերեսը ծովային տարածքի հետ միասին կազմում է 220 կմ²։ Կոռնաթի կղզեխումբը յուրահատուկ է կղզիների խտությամբ, որոնց միջև ընկած նեղուցները երբեմն նման են ժայռերի միջև ընկած իսկական լաբիրինթոսի։
Փաշման և Դուգի Օտոկ հարևան կղզիներից կղզեխումբը տարանջատվում է նեղուցներով, Մուրտեր կղզուց՝ ծովածոցով, որը երբեմն կոչվում է Մուրտերի ծով։
Ազգային պարկի տարածքի երկու երրորդը գրավում է Կոռնաթ կղզին, որն կղզեխմբի ամենամեծ կղզին է և զբաղեցնում է 32,44 կմ² տարածք[2]։ Այն ունի 25 կմ երկարություն և շուրջ 2,5 կմ լայնություն[3]։
Կղզիներում մշտական բնակիչներ չկան։
Ազգային պարկը հանրաճանաչ է առագաստանավորդների, սուզորդների ու վայրի բնության սիրահարների շրջանում։
Բուսական և կենդանական աշխարհ[խմբագրել | խմբագրել կոդը]
Կղզեխմբի բուսական և կենդանական աշխարհը հարուստ են ինչպես ստորջրյա, այնպես էլ ցամաքային տեսակներով։ Չնայած կղզիների զգալի մասի կիսաանապատային տեսքին՝ այնտեղ առկա են բույսերի 537 տաքսոններ։ Կղզեխմբի հիմնական ծառերը սոճիներն ու ձիթապտուղներն են։
Բացի մի շարք կրծողներից, օձերից, մողեսներից, միջատներից, կղզու կենդանական աշխարհը ներկայացված է կզաքիսներով, սկյուռներով, ինչպես նաև թռչուններով, որոնցից ամենանշանակալիներն են բուերը, բազեները, ճուռակները, ձկնկուլները։
Կոռնաթիի ծովային հատվածը բաղկացած է խութերից, որոնք հարուստ են մարջանով, մարգարտյա խեցիներով և փափկամարմիններով։ Կղզիներին հարող ջրերը շատ հարուստ են ձկներով։
Հետաքրքիր վայրեր[խմբագրել | խմբագրել կոդը]
- Կորոններ ` երկրաբանական երևույթ, ներկայացնում է ժայռեր, որոնք «աճում են» ուղղակիորեն ծովից։ Հասնում են մինչև 100 մետրի (ինչպես ստորջրյա, այնպես էլ վերջրյա հատվածները)։ Կորոնների վրա բարձրանալն արգելվում է։
- Իլլիական բնակավայրերի մնացորդներ, գտնվում է կղզեխմբի մի քանի կղզիներում։
- Տուրետի բերդ, գտնվում է Կոռնաթ կղզում։ Բյուզանդական դարաշրջանի ամենահին կառույցն է կղզեխմբում։ Թվագրվում է VI դարով։
Մեջբերումներ[խմբագրել | խմբագրել կոդը]
|
Արարման վերջին օրն Աստված ցանկացավ պսակել իր գործը և արցունքներից, աստղերից ու շնչից ստեղծեց Կոռնաթին։ | 
|
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ OpenStreetMap(բազմ․) — 2004.
- ↑ Duplančić Leder, T.; Ujević, T.; Čala, M. (2004): Duljine obalne crte i površine otoka na hrvatskom dijelu Jadranskog mora određene s topografskih karata mjerila 1:25 000, Geoadria, Vol. 9, No. 1, 5-32.
- ↑ Jeanne Oliver (2005), Croatia, pg. 187, Lonely Planet Publications, 1-74059-487-8
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Կոռնաթի» հոդվածին։ |
