Կամարի Տոնոյան
Կամարի Տոնոյան | |
---|---|
Ծնվել է | հուլիսի 15, 1931 |
Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
Վախճանվել է | փետրվարի 13, 2015 (83 տարեկան) |
Վախճանի վայր | Երևան, Հայաստան |
Մասնագիտություն | արձակագիր |
Քաղաքացիություն | ԽՍՀՄ և Հայաստան |
Անդամակցություն | ՀԳՄ |
Աշխատավայր | Գրական թերթ |
Կամարի Տոնոյան Վիքիդարանում |
Կամարի Հայկի Տոնոյան (հուլիսի 15, 1931, Երևան, Հայկական ԽՍՀ, ԱԽՖՍՀ, ԽՍՀՄ - փետրվարի 13, 2015, Երևան, Հայաստան[1]), հայ արձակագիր։ Հայաստանի գրողների միության անդամ 1963 թվականից[2]։
Կենսագրություն[խմբագրել | խմբագրել կոդը]
Կամարի Տոնոյանը ծնվել է 1931 թվականի հուլիսի 15-ին, Երևանում։ 1951-1954 թվականներին ծառայել է խորհրդային բանակում։ 1956 թվականին ավարտել է Երևանի ֆիզիկական կուլտուրայի տեխնիկումը։ Աշխատել է «Գրական թերթ»-ի խմբագրությունում որպես հրապարակախոսության բաժնի վարիչ։
Ստեղծագործություններ[խմբագրել | խմբագրել կոդը]
Տոնոյանի առաջին պատմվածքը՝ «Մայրամուտ ծննդյան գիշերվա լուսաբացից հետո», տպագրվել է 1956 թվականին, «Սովետական գրականություն» ամսագրում։ Ռուսերեն լույս է տեսել նրա «Անիծյալ անձրևը» (Մոսկվա, 1967) պատմվածքների ժողովածուն[3]։
Տոնոյան բազմաթիվ պիեսներ բեմադրվել են հայկական ռադիոթատրոնում և հեռուստաթատրոնում, այդ թվում՝ «Աշնանային գնացքում», «Զինվորը», «Վերջին գործուղումը», «Խոսակցություններ սիրո մասին», «Հին սալոնի ժամանակները» և այլն։ Հրատարակվել են նրա «Ամենալավ հեքիաթը Կարմիր Գլխարկի մասին» (1973), «Անտառի դստեր հեքիաթը» (1974), «Նիգուլը» (1974), «Անտառի բացատում» (1982), «Հիսուս Քրիստոսի երկրորդ գալուստը» (2006) և այլ գրքեր։ Գրել է նաև մանուկների համար` «Ամենալավ հեքիաթը Կարմիր գլխարկի մասին», «Անտառի դստեր հեքիաթը» և այլն։ Տոնոյանի «Կյանքի ապտակը», «Անիծյալ անձրև», «Եվ կյանքը թվում է սխալ», «Նիգուլ» և այլ ժողովածուներ թարգմանվել և հրատարակվել են նաև ռուսերեն[4]։
Երկեր[խմբագրել | խմբագրել կոդը]
- Կյանքի ապտակը, Երևան, Հայպետհրատ, 1958, 101 էջ։
- Անիծյալ անձրևը, Երևան, Հայպետհրատ, 1962, 247 էջ։
- ...Եվ կյանքը թվում է սխալ, Երևան, Հայպետհրատ, 1963, 124 էջ։
- Ժամացույցը, Երևան, «Հայաստան», 1965, 68 էջ։
- Ամենալավ հեքիաթը կարմիր գլխարկի մասին, Երևան, «Հայաստան», 1973, 12 էջ
- Անտառի դստեր հեքիաթը, Երևան, «Հայաստան, 1974։
- Նիգուլը, Երևան, «Հայաստան», 1974, 362 էջ։
Մրցանակներ[խմբագրել | խմբագրել կոդը]
- 2006 թվականին «Հիսուս Քրիստոսի երկրորդ գալուստը» պիեսների ժողովածուի համար արժանացել է ՀԳՄ «Տարվա լավագույն դրամատիկական ստեղծագործության համար» մրցանակի։
Ծանոթագրություններ[խմբագրել | խմբագրել կոդը]
- ↑ «ԿԱՄԱՐԻ ՏՈՆՈՅԱՆ « Հայաստանի Գրողների Միություն». Արխիվացված է օրիգինալից 2019 թ․ հունիսի 11-ին. Վերցված է 2019 թ․ մարտի 2-ին.
- ↑ Կամարի Տոնոյանի մասին ՀԳՄ կայքում
- ↑ Գրական տեղեկատու։ Երևան։ «Սովետական գրող»։ 1981։ էջ 465-466։
- ↑ «AV Production - Կամարի Տոնոյան». avproduction.am. Արխիվացված է օրիգինալից 2020 թ․ օգոստոսի 12-ին. Վերցված է 2019 թ․ մարտի 2-ին.