Կալիումի քլորիդ

Վիքիպեդիայից՝ ազատ հանրագիտարանից
Կալիումի քլորիդ (եռաչափ պատկեր)

Կալիումի քլորիդը աղաթթվի կալիումական աղ է: Անգույն բյուրեղ է, խտությունը՝ 1989 կգ/մ3, հալման ջերմաստիճանը՝ 768°C: 100 գ ջրում 20°C-ում լուծվում է 34,7 գ, 100°C-ում՝ 56,6 գ: Բնության մեջ հանդիպում է սիլվին միներալի ձևով:

Ստացումը[խմբագրել]

Լաբորատոր պայմաններում կարելի է ստանալ՝ ռեակցելով կալիումի հիդրօքսիդը քլորաթթվի հետ․

KOH + HCl → KCl + H2O

Կալիումի քլորիդի ստացման համար որպես հումք ծառայում են բնական սիլվինիտը (սիլվինի՝ KCl և հալիտի՝ NaCl խառնուրդը), ինչպես նաև կառնալիտ (KCl MgCl2-6H20) միներալը:

Կիրառություն[խմբագրել]

Կիրառվում է որպես կալիումական պարարտանյութ և ելանյութ KOH ու կալիումի այլ միացություններ ստանալու համար: Բժշկության մեջ կալիումի քլորիդի լուծույթներն օգտագործում են ներքին ընդունման կամ ներերակային ներարկման ձևով՝ օրգանիզմում կալիումի անբավարարության և սրտի ռիթմի խանգարումների դեպքում:

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png