Խաչիկ Խաչեր
- Վիքիպեդիայում կան հոդվածներ Գալստյան ազգանունով այլ մարդկանց մասին։
Խաչիկ Խաչեր | |
|---|---|
| Ծնվել է | 1946 |
| Ծննդավայր | Թեհրան, Իրան |
| Մասնագիտություն | գրող, թարգմանիչ, բանաստեղծ, հրապարակախոս, հասարակական գործիչ և ճարտարագետ |
| Քաղաքացիություն |  Իրան |
| Խաչիկ Խաչեր Վիքիդարանում | |
Խաչիկ Խաչեր (Գալստյան, 1946, Թեհրան, Իրան), իրանահայ գրող, թարգմանիչ, բանաստեղծ, հրապարակախոս, հասարակական գործիչ, ճարտարագետ[1]։
Կենսագրություն[խմբագրել | խմբագրել կոդը]
Խաչիկ Խաչերը ծնվել է 1946 թվականին Թեհրանում։ Նախնական կրթությունը ստացել է Թեհրանի հայոց ազգային Քուշեշ վարժարանի (նախկին Հայկազյան-Դավթյան) դպրոցում, այնուհետև կրթությունը շարունակելու նպատակով մեկնել է Գերմանիա, 1966-1978 թվականներին սովորել Ախեն քաղաքի Տեխնիկական համալսարանի (1974) և արդյունաբերական տնտեսություն և կառավարում բաժինների (1978) մագիստրատուրայի դիպլոմ[2]։
1982 թվականին հրատարակել է «Անտարբերություն» բանաստեղծությունների ժողովածուն։ Գալուստ Խանենցի հետ հիմնել է «Թեհրանահայ գրական շրջանակ»-ը և խմբագրել երեք գիրք։
Ստեղծագործություններ[խմբագրել | խմբագրել կոդը]
Պատմվածքների ժողովածուներ հայերենով
- «Անտարբերություն», 1982
- «Թափանցիկ մարդիկ», 1997
- «Գեներալների խաչմերուկը», 2004
- Ծուռը նստենք, շիտակ դատենք, Եր.: «Գրական հայրենիք» ՓԲԸ («Հայաստան» հրատ.), 2015[3]
Կարճ պատմվածքների ժողովածուներ պարսկերենով
- «6-րդ արցունք», 2005
- «Ագռավների սիրած տրամադրությունը», 2006
Խաչերը հայերեն է թարգմանել իրանցի գրողների ստեղծագործություններ՝
- «Մետաքսի ճանապարհը»
- «Կարմիր փողկապով տղամարդը»
- «7 պատմվածք», 2003 թվական, իրանական ժողովրդական հեքիաթների ժողովածու
Թարգմանել է նաև գերմանացի գրող Արմին Վեգների «Խղճիս ձայնը երբեք չի լռելու» ստեղծագործությունը։
Գրականություն[խմբագրել | խմբագրել կոդը]
- Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012։
Ծանոթագրություններ[խմբագրել | խմբագրել կոդը]
- ↑ «Խաչիկ Խաչեր Պիտի Ներկայացնէ Իր Երկու Հատորները». Արխիվացված է օրիգինալից 2020 թ․ օգոստոսի 12-ին. Վերցված է 2017 թ․ դեկտեմբերի 2-ին.
- ↑ «Խաչիկ Խաչեր - Abrilbooks.com: Armenian books, music, videos, posters, greeting cards, and gift items». www.abrilbooks.com (անգլերեն). Վերցված է 2017 թ․ դեկտեմբերի 2-ին.
- ↑ «Խաչիկ Խաչեր | Ծուռը նստենք, շիտակ դատենք | Գրանիշ». granish.org (ամերիկյան անգլերեն). Վերցված է 2017 թ․ դեկտեմբերի 2-ին.