Խալիֆա (արաբերեն՝ خليفة, կարդ. խալիֆա) — մուսուլմանների մոտ խալիֆաթի (պետության) ղեկավարն է: Տարբեր ժամանակներում տիտղոսի տարբեր բաներ էր նշանակում: Օմայյադների և Աբբասյանների մոտ խալիֆան ղեկավարի ժառանգական տիտղոս էր, որ միավորում էր իր մեջ աշխարհիկ և հոգևոր իշխանությունները: Խարիջիթների մոտ խալիֆան ընտրվող ղեկավարի տիտղոս է, որը սահմանափակված է համայնքով: Եգիպտական սուլթանությունում խալիֆաները եղել են բացառիկ հոգևոր առաջնորդներ, որնք թողնում էին աշխարհիկ ղեկավարությունը սուլթաններին: 1924-ից խալիֆայի տիտղոսը ոչ մի մարդ չի կրում:
