Լիպարիտ Նավասարդյան
- Վիքիպեդիայում կան հոդվածներ Նավասարդյան ազգանունով այլ մարդկանց մասին։
Լիպարիտ Նավասարդյան | |
---|---|
Ծնվել է | մայիսի 9, 1940 (83 տարեկան) |
Ծննդավայր | Գեղաշեն, Աբովյանի շրջան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Երևանի պետական համալսարան |
Մասնագիտություն | կենսաքիմիկոս, կենսաբանական գիտությունների դոկտոր և պրոֆեսոր |
Լիպարիտ Հայրապետի Նավասարդյան (մայիսի 9, 1940, Գեղաշեն, Աբովյանի շրջան, Հայկական ԽՍՀ, ԽՍՀՄ), կենսաքիմիկոս, կենսաբանական գիտությունների դոկտոր (2003), պրոֆեսոր (2004)։
Կենսագրություն[խմբագրել | խմբագրել կոդը]
Լիպարիտ Նավասարդյանը ծնվել է Կոտայքի մարզի Գեղաշեն գյուղում, 1940 թվականի մայիսի 9-ին։
1957 թվականին ավարտել է հարազատ գյուղի միջնակարգ դպրոցը և ընդունվել Երևանի պետական համալսարանի ֆիզիկայի ֆակուլտետը, որն էլ ավարտել է 1963 թվականին։ Թեկնածուական ատենախոսությունը պաշտպանել է 1975 թվականին։ Որպես ճարտարագետ, ասպիրանտ, գիտաշխատող, գիտական բաժնի վարիչ, դոցենտ, այնուհետև՝ պրոֆեսոր 1964 թվականից աշխատանքի է անցել Երևանի պետական համալսարան կենսաքիմիայի ամբիոնում։
Ուսումնասիրել է արտակարգ վիճակներում (ազոտային քաղց, ջերմաստիճանային և ճառագայթային գործոնների ազդեցություն) խմորասնկերի սպիտակուցների փոխանակության և նուկլեինաթթուների կառուցվածքային փոփոխությունները, նշադրված ամինաթթուների օգտագործմամբ ուսումնասիրել ամինաթթուների՝ բջիջ թափանցելու, փոխանակության և սպիտակուցների սինթեզում դրանց մասնակցության հարցերը, ինչպես նաև ռենտգենյան ճառագայթման ազդեցության պայմաններում խմորասնկային բջիջների կենսունակությունը, խմորասնկային ԴՆԹ-ի կառուցվածքում նկատվող փոփոխությունները և կառուցվածքային վնասվածքների վերացման մեթոդները։
Աշխատություններ[խմբագրել | խմբագրել կոդը]
Լիպարիտ Նավասարդյանը մոտ 60 գիտական աշխատության հեղինակ և համահեղինակ է[1]՝
- «Խմորասնկային բջիջների սպիտակուցային փոխանակության մաս-սպեկտրաչափական ուսումնասիրության սկզբունքներ» (Երևան, 1985)
- «Կենսաքիմիայի լաբորատոր աշխատանքների ուսումնամեթոդական ձեռնարկ» (Երևան, 2003)
- «Խմորասնկային բջիջներից հիստոնային սպիտակուցների և ԴՆԹ-ի անջատումը և ֆլյուորեսցենտային ցուցանիշների համեմատական ուսումնասիրումը» (Երևան, 2006)
Ծանոթագրություններ[խմբագրել | խմբագրել կոդը]
- ↑ «Լիպարիտ Հայրապետի Նավասարդյան». ysu.am (անգլերեն). Արխիվացված է օրիգինալից 2021 թ․ օգոստոսի 27-ին. Վերցված է 2021 թ․ օգոստոսի 27-ին.