Լենինի հուշարձան (Մոսկվա, Լուժնիկի)
- Անվան այլ կիրառումների համար տե՛ս՝ Լենինի հուշարձան (այլ կիրառումներ)
Վլադիմիր Լենինի հուշարձան Լուժնիկիում | |
---|---|
Լենինի հուշարձանը | |
Տեսակ | հուշարձան |
Ճարտարապետ | Igor Rozhin? |
Ստեղծում | 1960 |
Երկիր | Ռուսաստան |
Բնակավայր | Խամովնիկի շրջան |
Շինության ձև | Քանդակ |
Ներկա վիճակ | Կանգուն |
պատկերված են
| |
Cultural heritage monuments in Central Administrative Okrug Վիքիպահեստում |
Վլադիմիր Լենինի հուշարձան Լուժնիկիում (ռուս.՝ Памятник Владимиру Ленину в Лужниках), հուշարձան Մոսկվայում, «Լուժնիկի» մարզադաշտի կենտրոնական մուտքի առջևի հրապարակում։ Նվիրված է ռուս հեղափոխական գործիչ, բոլշևիկ, Հոկտեմբերյան հեղափոխության առաջնորդ Վլադիմիր Լենինին։ Տեղադրվել է 1960 թվականին։ Հուշարձանի հեղինակներն են քանդակագործ Մատվեյ Մանիզերը և ճարտարապետ Իգոր Ռոժինը։ Հուշարձանն ունի մշակութային ժառանգության հայտնաբերված օբյեկտի կարգավիճակ[1]։
Պատմություն[խմբագրել | խմբագրել կոդը]
1940 թվականին քանդակագործ Մատվեյ Մանիզերի նախագծով կառուցվել է Վ. Ի. Լենինի հուշարձանը Ուլյանովսկում։ Այս արձանի տարբերակը քանդակագործը պատրաստել է 1958 թվականին Բրյուսելի Համաշխարհային ցուցահանդեսի խորհրդային տաղավարի կենտրոնական ցուցասրահի համար, ինչի համար պարգևատրվել է պատվավոր դիպլոմով։ Ցուցահանդեսի ավարտից հետո Համամիութենական առևտրային պալատը Մոսխորհրդի գործադիր կոմիտեի խնդրանքով այդ քանդակը փոխանցել է Մոսկվային։ Արձանը տեղադրվել է պատվանդանի վրա՝ «Լուժնիկի» մարզադաշտի (այն ժամանակ՝ Վ. Ի. Լենինի անվան կենտրոնական մարզադաշտ) կենտրոնական մուտքի առջև։ Հուշարձանի հանդիսավոր բացումը տեղի է ունեցել 1960 թվականի ապրիլի 22-ին՝ Վ. Լենինի ծննդյան 90-ամյակի օրը[2]։
Նկարագրություն[խմբագրել | խմբագրել կոդը]
Լենինի ութմետրանոց բրոնզե արձանը տեղադրված է մոխրագույն ողորկ գրանիտից պատրաստված աստիճանավոր պատվանդանի վրա։ Լենինը կանգնած է չծածկված գլխով, ուսերին գցած վերարկուով։ Վերարկուի փեշերը կարծես ծածանվում են քամու տակ՝ առաջացնելոով ծալքեր։ Լենինի հայացքն ուղղված է դեպի հեռուն[2]։
Ծանոթագրություններ[խմբագրել | խմբագրել կոդը]
- ↑ Вестник Мэра и Правительства Москвы № 65 ноябрь 2011 (2189)(չաշխատող հղում)
- ↑ 2,0 2,1 Кожевников Р. Ф. Памятники В. И. Ленину // Скульптурные памятники Москвы. — М.: Московский рабочий, 1983.