Իրանի գյուղատնտեսական ջիհադի նախարարություն
| Իրանի գյուղատնտեսական ջիհադի նախարարություն | |
|---|---|
| Տեսակ | գյուղատնտեսության նախարարություն |
| Երկիր |  Իրան |
| Ստեղծման թվական | 2001 |
| Վերադաս մարմին | Cabinet of Iran? |
| Շտաբակայան | Թեհրան, Իրան |
| Կայք | maj.ir |
Իրանի Իսլամական Հանրապետության գյուղատնտեսական ջիհադի նախարարություն (պարս.՝ وزارت جهاد کشاورزی جمهوری اسلامی ایران), Իրանի Իսլամական Հանրապետության պետական գործադիր իշխանության մարմին, որը գյուղատնտեսության բնագավառում իրականացնում է պետական քաղաքականության մշակման և նորմատիվ-իրավական ակտերի կարգավորման գործառույթները։
Պատմություն[խմբագրել | խմբագրել կոդը]
Իրանի Իսլամական Հանրապետության գյուղատնտեսական ջիհադի նախարարության պատմությունը սկսվում է Գյուղատնտեսության և առևտրի գլխավոր վարչությունից, որը հիմնադրվել է 1890 թվականին Մոզաֆերեդին շահ Քաջարի հրամանագրով։ 1930 թվականին վերափոխվել է Հողագործության և առևտրի նախարարություն[1]։
1941 թվականին Հողագործության և առևտրի նախարարությունը վերակազմավորվել է և բաժանվել երկու գերատեսչությունների` Գյուղատնտեսության նախարարություն և Առևտրի նախարարություն։
1967 թվականին Գյուղատնտեսության նախարարության հիման վրա ստեղծվել են չորս գերատեսչություններ` Գյուղատնտեսության նախարարություն, Հողային բարեփոխումների նախարարություն, Բնական պաշարների նախարարություն և Գյուղատնտեսական արտադրության նախարարություն։
1971 թվականին Գյուղատնտեսության և բնական պաշարների նախարարությունը միավորվել է և դարձել «Գյուղատնտեսության և բնական պաշարների նախարարություն։
1977 թվականին Գյուղատնտեսության և բնական պաշարների նախարարությունը և Գյուղական համագործակցության նախարարությունը միավորվել են՝ դառնալով Գյուղատնտեսության և գյուղական շրջանների զարգացման նախարարություն։
1979 թվականին Ռուհոլլա Խոմեինիի նախաձեռնությամբ ստեղծվել է Ստեղծագործական ջիհադ կազմակերպությունը, որը 1983 թվականին վերափոխվել է Իրանի Իսլամական Հանրապետության ստեղծագործական ջիհադի նախարարության։
2000 թվականի դեկտեմբերի 26-ին Գյուղատնտեսության և գյուղական շրջանների զարգացման նախարարությունը և ստեղծագործական ջիհադի նախարարությունը միավորվել են՝ դառնալով Իրանի Իսլամական Հանրապետության գյուղատնտեսական ջիհադի նախարարություն։
Ղեկավարություն[խմբագրել | խմբագրել կոդը]
Գյուղատնտեսական ջիհադի նախարարությունը գլխավորում է Իրանի գյուղատնտեսական ջիհադի նախարարը, որը նշանակվել է Մեջլիսի կողմից` Իրանի նախագահի առաջարկությամբ։
Նախարարության գործառույթներ[խմբագրել | խմբագրել կոդը]
Նախարարությունը պետական քաղաքականության և նորմատիվ-իրավական կարգավորման մշակման համար գործառույթներ է իրականացնում գյուղատնտեսության այնպիսի բնագավառներում, ինչպիսիք են՝
- Պլանավորում և մոնիտորինգ
- Գյուղատնտեսության զարգացման ոլորտում գիտական հետազոտությունների կազմակերպում և իրականացում
- Հողի և ջրային ռեսուրսների օգտագործում և ջրօգտագործում
- Գյուղատնտեսության և գյուղական զարգացման ենթակառուցվածք
- Անասնաբուծություն և ձկնաբուծություն
- Գյուղատնտեսության պետական աջակցություն
- Գյուղատնտեսական առևտուր
Նախարարության կառուցվածք[խմբագրել | խմբագրել կոդը]
Նախարարությունը բաղկացած է հետևյալ վարչություններից՝
- Ջրային և հողային ռեսուրսների վարչություն
- Հողագործության վարչություն
- Անասնապահության վարչություն
- Այգեգործության բաժին
- Պլանավորման և տնտեսական հարցերի վարչություն
- Մարդկային ռեսուրսների զարգացման վարչություն
- Գյուղական զարգացման վարչություն
- Հողօգտագործման վարչություն
Ենթակայությամբ գործող կազմակերպություններ[խմբագրել | խմբագրել կոդը]
Նախարարության ենթակայությամբ են գործում հետևյալ կազմակերպությունները՝
- Հողային կազմակերպություն
- Գյուղատնտեսական հետազոտությունների և կրթության կազմակերպման
- Անտառների և արոտավայրերի կազմակերպման
- Թեյի մշակման
- Բույսերի պաշտպանության կազմակերպություն
- Անասնաբուժական կազմակերպություն
- Քոչվոր ցեղերի կազմակերպություն
- Կերային ընկերություն
- Ինժեներական ընկերություն
- Ձկնորսական ընկերություններ
Նախարարության ենթակայությամբ է գործում նաև Կոոպերատիվ շարժման կենտրոնական կազմակերպությունը։