Ռուհոլլա Խոմեինի

Վիքիպեդիայից՝ ազատ հանրագիտարանից
خمینی بزرگ.jpg

Ռուհոլա Մուսավի Խոմեյնի (պարսկերեն՝ روح الله موسوی خمینی ː 1902թ. մայիսի 17, ըստ այլ տվյալների 1898 կամ 1902 — 1989թ. հունիսի 3), այաթոլա, ռահբար (առաջնորդ), 1979 թ. Իրանի հեղափոխության առաջնորդ։ 1979թվականից մինչև իր մահը՝ Իրանի գերագույն ղեկավար.

Դասավանդել է Կում քաղաքում, 50-ական թթ. ստացել է այատոլա տիտղոսը։ 1963թ. ընդդիմադիր գործունեություն է ծավալել շահի ռեժիմի դեմ։ 1963 թ. նրա ձերբակալությունը խոշոր հուզումներ է առաջացրել, որոնց զոհ է գնացել ավելի քան 1000 մարդ։ 1964 թ. արտաքսվել է Թուրքիա, այնուհետև տեղափոխվել է Իրաք, 1978 թ.` Փարիզ (Ֆրանսիա):

1979 հունվարին ղեկավարել է Իրանում իսլամական հեղափոխությունը: 1979 թ. փետրվարի 1ին` Մոհամեդ Ռզա Փեհլևիի փախուստից 2 ամիս անց, վերադարձել է Իրան։ Փետրվարի 11-ին ժամանակավոր կառավարություն է նշանակել՝ Մեհդի Բազարգանի ղեկավարությամբ։

Նոր Սահմանադրության համաձայն 1979 թ. դեկտեմբերին զբաղեցրել է Իրան իսլամական հանրապետության գերագույն ղեկավարի պաշտոնը։ Բնակվել է Կում քաղաքում, սակայն գործուն մասնակցություն է ունեցել երկրի քաղաքական կյանքին։

Իր կառավարման ընթացքում աջակցել է իսլամական հեղափոխության արտահանմանը տարածաշրջանի երկրներ՝ որպես դրա հնարավորություն դիտելով իրանա-իրաքյան պատերազմը։