Թոռնիկե Շենգելիա

Վիքիպեդիայից՝ ազատ հանրագիտարանից
Թոռնիկե Շենգելիա
Ակումբ Իսպանիա Կախա Լաբորալ
Դիրքը Ծանր հարձակվող/ թեթև հարձակվող
Համար № 7
Ի ծնե տրված անունը Թոռնիկե Շենգելիա
თორნიკე შენგელია
Ծննդյան ամսաթիվ հոկտեմբերի 5, 1991 (1991-10-05) (22 տարեկան)
Ծննդավայր Flag of Georgia (1990-2004).svg Թբիլիսի, Վրաստան
Ազգություն Վրաստան վրացի
Հասակ 203 սմ
Քաշ 94 կգ
Դրաֆթի տարի 2012 / ռաունդ` 2 / ընտր.` 54-րդ
Կարիերայի պատմություն ԻսպանիաՎալենսիա ԲԱ (2009–2010)
ԲելգիաՍպիրու Շառլեռուրա (2010–2012)
ԲելգիաՎերվիերս Ռեպինստեր (2010–2011)
Ամերիկայի Միացյալ ՆահանգներԲրուքլին Նեթս (2012-2014)
Ամերիկայի Միացյալ ՆահանգներՍպրինգֆիլդ Արմոր (Դի-լիգա, 2012-2013)
Ամերիկայի Միացյալ ՆահանգներՉիկագո Բուլս (2014)
ԻսպանիաԿախա Լաբորալ (2014-այժմ)

Թոռնիկե Շենգելիա (վրաց.` თორნიკე შენგელია, ծնվ.` հոկտեմբերի 5, 1991թ., Թբիլիսի, Վրաստան), վրաց պրոֆեսիոնալ բասկետբոլիստ, հարձակվող։ Ներկա պահին հանդես է գալիս Իսպանիայի ACB լիգայի «Կախա Լաբորալ» ակումբում։ Նախկինում խաղացել է նաև Բասկետբոլի ազգային ասոցիացիայի (NBA) «Չիկագո Բուլս» և «Բրուքլին Նեթս» ակումբներում։

2012թ.-ի դրաֆթում ընտրվելով «Բրուքլին Նեթսի» կողմից՝ Շենգելիան ամռանը մասնակցություն է ունենում այսպես կոչված NBA-ի ամառային լիգայում, որտեղ մասնակցում են միմիայն ակումբների նորեկները (դրաֆթներում ընտրված կամ անկախ կերպով պայմանագիր կնքած), ինչպես նաև պոտենցիալ բասկետբոլիստներ, ովքեր կարող են դառնալ տվյալ ակումբների խաղացողներ։ Շենգելիայի արդյունքները ամառային լիգայում բավականին տպավորիչ էին՝ 10, 2 միավոր և 3, 6 անդրադարձ[1]։ Այն բանից հետո, երբ Շենգելիան հուժկու խաղ է ցույց տալիս «Ֆիլադելֆիա Սիքսերսի» (17 միավոր, 6 անդրադարձ, 2 փոխանցում) և «Ինդիանա Փեյսերսի» (16 միվավոր, 4 խլում, 3 բլոկ) հետ կայացած խաղերում, «Նեթսի» գլխավոր մարզիչ Էվերի Ջոնսոնը New York Post[2] հանդեսին տված հարցազրույցում նշում է, որ ակումբի նախագահական կազմը կորոշի՝ արդյոք Շենգելիային կթողնի ակումբում, թե կուղարկի հետ՝ դեպի Եվրոպա։ 2012թ.-ի հուլիսի 24-ին «Բրուքլին Նեթսը» 2 տարվա պայմանագիր է կնքում Շենգելիայի հետ[3]։

Շենգելիան հանդես է գալիս նաև Վրաստանի բասկետբոլի ազգային հավաքականի կազմում։ 2011թ.-ի Եվրոպայի առաջնությունում Նրա միջին տվյալներն էին 8, 8 միավոր, 4, 6 անդրադարձ և 1, 1 արդյունավետ փոխանցում։

2014 թվականի հունվարի 21-ին Շենգելիան փոխանակվում է Մարքիզ Թիգի դիմաց և հայտնվում «Չիկագո Բուլսում»[4], սակայն հեռացվում է թիմի կազմից նույն թվականի ապրիլի 14-ին։ [5] Հունիսի 21-ին նոր պայմանագիր է կնքում ACB լիգայի «Կախա Լաբորալ» ակումբի հետ։

Արտաքին հղումներ[խմբագրել]

Ծանոթագրություններ[խմբագրել]