Էսկալոպ

Էսկալոպ Escalope
Էսկալոպ
ռուս-ֆրանսիական խոհանոց
Ծագում
Ենթատեսակ	սննդամթերք, միս և մսային ուտեստ
Առաջացման երկիր	Ֆրանսիա
Բաղադրամասեր
Հիմնական	միս

Էսկալոպ, հարթ, կլոր մսի կտոր ռուս-ֆրանսիական խոհանոցում։ Էսկալոպ էր կոչվում, մասնավորապես, միլանյան օսսի-բուկին, որը Պետերբուրգի խոհարարները փոխառել են ֆրանսիական խոհանոցից։ Էսկալոպը կտրվում էր 1 սմ հաստությամբ, այնուհետև ծեծվում էր (մինչև 0.5 սմ), ընդ որում չէր համեմվում և խորովվում էր ցանցի վրա։ Այս տեխնոլոգիական հնարն էլ հետագայում դարձավ ուտեստի հիմնական բնորոշիչ գիծը։ Այսպիսով, էսկալոպը հարթ, կլոր, բարակ մսի կտորն է, որը ենթարկվում է ջերմային մշակման՝ առանց մակերևույթը համեմելու։ Էսկալոպ պատրաստելու համար մսի 10-15 սմ կտորը թեթև ծեծում են, աղ, պղպեղ ցանում և տապակում երկու կողմից։ Միսը մատուցում են խավարտի հետ։

Հորթի էսկալոպ գերմանական ձևով

Բաղադրություն

• 6-ական կտոր հորթի միս, յուրաքանչյուրը՝ միջինը 130 գրամ
• 100 գրամ խոզի ճարպ
• 1 ձու
• Լիմոնի 6 կտոր
• Պաքսիմատ
• աղացած սև պղպեղ
• աղ

Պատրաստման եղանակ

Մսի կտորները ծեծելով բարակեցնել, ցանել վրան աղ և պղպեղ, ապա՝ հարած ձվի մեջ թաթախել։ Միսը պաքսիմատի փշուրների մեջ գլորել և տապակել մեծ քանակությամբ եռացող ճարպի մեջ։ Էսկալոպը պետք է լինի չոր։ Ցանկալի է մատուցելիս ափսեի վրա դասավորել կտրատված լիմոն։

Էսկալոպ ֆրանսիական ձևով

Ֆրանսիական ձևով պատրաստված էսկալոպը մատուցում են թե տոնական օրերին և թե հանգստյան օրերին։ Որպեսզի միսը ձիգ չստացվի, նախընտրելի է վերցնել պատրաստի էսկալոպ։

Բաղադրություն

• 500 գ էսկալոպ
• 1 սոխ
• 200 գ պանիր
• 100 գ թթվասեր և 50 գ մայոնեզ
• աղ, համեմունքներ

Պատրաստման եղանակ

Սոխը կտրտել կիսաշրջանաձև, խաշել։ Պանիրը քերել, թթվասերը խառնել մայոնեզին, ավելացնել աղ, համեմունքներ, խառնել։ Էսկալոպը դնել տարայի մեջ, վրան լցնել սոխը, թթվասերի և մայոնեզի խառնուրդը, պանիրը։ Եփել ջեռոցում մոտ 1.5-2 ժամ։

Արտաքին հղումներ

• Էսկալոպ, անգլերեն