Միս

Մսեղենի բազմազան տեսականի

Խոզի միս

Միս, կենդանու սպանդից ստացված ելունք, որն օգտագործվում է որպես սնունդ:
Այն կենդանական ծագման լիարժեք սպիտակուցների աղբյուր է, որն անհրաժեշտ է մարդու օրգանիզմի հյուսվածքների կառուցման, նյութերի սինթեզի և փոխանակման համար: Հանդիսանում է նաև ֆոսֆորի աղբյուր: Մասնակցում է նյարդային հյուսվածքների, ճարպերի, B - խմբի վիտամինների, միկրոտարրերի ֆիզիոլոգիական ֆունկցիաներում:

Հայաստանում 2002թ.-ի տվյալներով յուրաքանչյուր շնչի հաշվով սահմանված մսի սպառման տարեկան ֆիզիոլոգիական նորման 75կգ է, այդ թվում` տավարամսինը` 20.3, խոզի և թռչնի մսինը` 15-ական, ոչխարինը` 7.5, երշիկեղենինը և ապխտած ապրանքներինը` 13.5 և ենթամթերքներինը` 3.7 կգ:

Միսն օժտված է բարձր մարսելիությամբ, հեշտ է ենթարկվում խոհարարական մշակման: Մսից կարելի է պատրաստել սննդի բազմազանություն ապահովող շատ ճաշատեսակներ: Սակայն, մսեղենի չափից ավելի օգտագործումը կարող է նախապայման հանդիսանալ հիպերտոնիկ հիվանդությունների զարգացման համար: Մսի բիոգենային ամինները ուժեղացնում են արյունատար անոթների տոնուսը` բարձրացնելով երակային ճնշումնը: Մսի մեջ պարունակվող նուկլիեինաթթուները կարող են նպաստել հոդատապ հիվանդության զարգացմանը մեծահասակ մարդկանց օրգանիզմում, ուստի նպատակահարմար է այն փոխարինել կաթնեղենով և ձկնեղենով:

Սպանդի ենթարկված կենդանու տեսակից կախված, ստացվող միսը կարող է լինել տավարի, ոչխարի, խոզի, այծի, ձիու, ուղտի, եղնիկի, գոմեշի, ճագարի և այլն:

Մսի քիմիական բաղադրությունը 110 գրամում

Տեսակը	Կալորիաներ	Սպիտակուցներ	Ածխաջրեր	Ճարպեր
Ձկնեղեն	110–140	20–25 գ	0 գ	1–5 գ
Հավի կրծքամիս	160	28 գ	0 գ	7 գ
Ոչխարի միս	250	30 գ	0 գ	14 գ
Տավարի փափկամիս	210	36 գ	0 գ	7 գ
Տավարի ոսկրամիս	450	25 գ	0 գ	35 գ

Մսի համաշխարհային սպառումը (2003)

Տեղը	Երկիրը	1 շնչի հաշվով մսի սպառումը (կգ)
1	ԱՄՆ	123
2	Իսպանիա	121
3	Ավստրալիա	118
4	Ավստրիա	112
5	Դանիա	111
6	Նոր Զելանդիա	109
7	Կիպրոս	108
8	Իռլանդիա	102
9	Կանադա	98
10	Ֆրանսիա	98

Արտաքին հղումներ

• Ամերիկյան մսագիտության ասոցացիայի պաշտոնական կայքը