Եղիշե Շեկ-Հովսեփյան
 | |
|---|---|
 | |
| Ծնվել է | 1893 |
| Ծննդավայր | Կարս, Կարսի մարզ, Կովկասյան երկրամաս, Ռուսական կայսրություն |
| Մահացել է | 1939 |
| Մահվան վայր | Երևան, Հայկական ԽՍՀ, ԽՍՀՄ |
| Կրթություն | Օդեսայի ազգային համալսարան (1916) |
| Մասնագիտություն | դատաբժիշկ |
| Գիտական աստիճան | բժշկական գիտությունների թեկնածու (1936) և պրոֆեսոր (1936) |
| Աշխատավայր | Երևանի պետական համալսարան և Երևանի Մխիթար Հերացու անվան Պետական Բժշկական Համալսարան |
Եղիշե Թադևոսի Շեկ-Հովսեփյան (1893, Կարս, Կարսի մարզ, Կովկասյան երկրամաս, Ռուսական կայսրություն - 1939, Երևան, Հայկական ԽՍՀ, ԽՍՀՄ), հայ խորհրդային դատաբժիշկ։ Բժշկական գիտությունների թեկնածու (1936 թ.), պրոֆեսոր (1936 թ.)։
Կենսագրություն[խմբագրել | խմբագրել կոդը]
1916 թվականին ավարտել է Օդեսայի համալսարանի բժշկական ֆակուլտետը։ 1916-1922 թվականներին եղել է հայկական կարմիր բանակի զորա-սանիտարական վարչության կազմակերպչական բաժնի պետ։ 1922-1925 թվականներին աշխատել է Երևանի համալսարանի բժշկական ֆակուլտետի անատոմիայի, 1925-1927 թվականներին՝ տեղագրական անատոմիայի և օպերատիվ վիրաբուժության ամբիոններում, 1929-1939 թվականներին՝ դատական բժշկության, 1938 թվականից՝ միաժամանակ ախտաբանական անատոմիայի ամբիոնների վարիչ, Երևանի բժշկական ինստիտուտի ռեկտոր[1]։ Եղել է Երևանի և ՀԽՍՀ առժողկոմատի դատաբժշկական գլխավոր փորձագետը։ Շեկ-Հովսեփյանի նախաձեռնությամբ Երևանի բժշկական ինստիտուտում հիմնվել է դատական բժշկության թանգարան, 1929 թվականին՝ իրեղեն ապացույցների լաբորատորիա[2]։
Շեկ-Հովսեփյանի գիտական աշխատանքները (մեծ մասն անտիպ են) վերաբերում են դատական բժշկության և քրեագիտության հարցերին, տարիքի որոշման, մատների անտեսանելի հետքերի հայտնաբերման, պոկված թղթի նույնության որոշման մեթոդներին։
Ծանոթագրություններ[խմբագրել | խմբագրել կոդը]
- ↑ Administrator. «Մեր ռեկտորները». www.ysmu.am. Արխիվացված է օրիգինալից 2016 թ․ նոյեմբերի 6-ին. Վերցված է 2016 թ․ սեպտեմբերի 19-ին.
- ↑ «Шек-Осепян Егише Татесович». www.forens-med.ru. Վերցված է 2016 թ․ սեպտեմբերի 19-ին.
| Նախորդող Եգոր Հարությունյան |
Երևանի բժշկական ինստիտուտի ռեկտոր Եղիշե Շեկ-Հովսեփյան 1938 |
Հաջորդող Վերգինե Միքայելյան |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 478)։ 
|
- 1893 ծնունդներ
- Կարս քաղաքում ծնվածներ
- 1939 մահեր
- Երևան քաղաքում մահացածներ
- Օդեսայի համալսարանի շրջանավարտներ
- ԵՊՀ դասախոսներ
- Երևանի պետական բժշկական համալսարանի դասախոսներ
- Բժիշկներ այբբենական կարգով
- Անձինք այբբենական կարգով
- Հայ բժիշկներ
- Հայ պրոֆեսորներ
- Բժշկական գիտությունների թեկնածուներ
- ԵՊԲՀ ռեկտորներ
- Երևանի պետական բժշկական համալսարանի շրջանավարտներ