Դելիբաբա (լեռնանցք)

Անվան այլ կիրառումների համար տե՛ս՝ Դելիբաբա (այլ կիրառումներ)

Դելիբաբա, լեռնանցք Հայկական լեռնաշխարհում՝ Հայկական Պար լեռնաշղթայում։ Գտնվում է Ալաշկերտի դաշտի արևմտյան մասում, Սուկավետ լեռնագագթի մոտ։ Հնում և միջին դարերում այստեղով է անցել Հայաստանի տարանցիկ ճանապարհներից մեկը, որն ուներ հետևյալ ուղղությունը․ Թավրիզ-Մակու-Բայազիտ, Կարին, Տրապիզոն։ Լեռնանցքի շրջանում պահպանվել են հին քարավանատան ավերակներ, իսկ դրանից ոչ հեռու նույնանուն գյուղ է, որի մոտ գտնվում է Մենուաի սեպագիր առձանագրություններից մեկը։ Կիրճի խորությունը 100 մ է, լայնությունը 2 մետր։ Այստեղ 1877-1878 թվականներին ռուս-թուրքական պատերազմների ժամանակ տեղի է ունեցել ճակատամարտ՝ Ա․ Տեր-Ղուկասովի հրամատարությամբ գործող ռուսական ջոկատի և թուրքական բանակի միջև։ Դելիբաբայի արևմտյան եզրին է գտնվում համանունը գյուղը։