Դարեհ շահր (պարս.՝ دره شهر)՝ քաղաք Իրանի արևմուտքում` Իլամօսթանում (նահանգում)։ Ըստ վերջին մարդահամարի տվյալների քաղաքի բնակչությունը կազմում է 21 900 մարդ (2016)[1]։ Հանդիսանում է համանուն շահրեստանի վարչական կենտրոնը։
Քաղաքը գտնվում է Իլամ օսթանի արևելքում, Զագրոսի լեռնային համակարգի արևմտյան մաս կազմող Քաբիր Քուհ լեռնաշղթայի հյուսիսային ստորոտին։ Դարեհ շահրը գտնվում է օսթանի մայրաքաղաք Իլամից մոտ 100 կմ հարավ-արևելք, հեռավորությունը երկրի մայրաքաղաք Թեհրանից կազմում է մոտ 450 կմ։
Ժամանակակից Դարեհ շահրի և գյուղաքաղաք Բեխմենաբադի արանքում հին քաղաքի ավերակներն են, որոնք առնչվում են Սասանյան դինաստիայի կառավարության ժամանակներին։ Ավերակների կառուցվածքներում հստակ երևում են կամարների, շինությունների, փողոցների և նրբանցքների մնացորդները, որոնցից ձևավորված են եղել հին քաղաքի թաղամասերը[4]։
Իրան
