Գուզյե Նեդերհոստ

Գուզյե Նեդերհոստ
Ծնվել է	փետրվարի 4, 1969
Ծննդավայր	Ամստերդամ, Հյուսիսային Հոլանդիա, Նիդերլանդներ
Մահացել է	հունվարի 29, 2004 (34 տարեկան)
Մահվան վայր	Հաագա, Նիդերլանդներ
Քաղաքացիություն	Նիդերլանդների Թագավորություն
Մասնագիտություն	դերասանուհի, երգչուհի, հեռուստահաղորդավարուհի և կինոդերասանուհի

Գուզյե Նեդերհոստ (հոլ.՝ Guusje Barbara Augustine Nederhors, փետրվարի 4, 1969(1969-02-04)^[1]^[2], Ամստերդամ, Հյուսիսային Հոլանդիա, Նիդերլանդներ - հունվարի 29, 2004(2004-01-29)^[1]^[2], Հաագա, Նիդերլանդներ), նիդերլանդացի դերասանուհի, երգչուհի, երգերի հեղինակ և բանաստեղծուհի։

Կենսագրություն[խմբագրել | խմբագրել կոդը]

Գուզյե Նեդերհոստը ծնվել է 1969 թվականի փետրվարի 4-ին, Ամստերդամում (Հյուսիսային Հոլանդիա, Նիդերլանդներ)։

1991 թվականին նա սկսել է ֆիմային կարիերան։ Նա հայտնի է դառնում «Լավ ժամանակներ, վատ ժամանակներ» սերիալում Ռոս Ալբերտս դը Յագերի դերով։ Այդ սերիալում նկարահանվել է 1992-2000 թվականներին։

1995 թվականին նա նաև սկսում է իր կարիերան որպես երգչուհի և երգերի հեղինակ։ Նրա առաջին երգերից մեկը՝ «Ademnood»-ը դարձավ հիթ։ Նրա մյուս երգերը ևս հաջողություն ունեցան։ Գուզյեն գրել է շատ երգեր երեխաների համար։

2003 թվականին նա որոշեց իրեն փորձել մանկակգրի դերում։ Մահվանից մի քանի ամիս առաջ նա գրում էր գիրք, որը նաև պետք է թողարկվեր CD-ի վրա։

Գուզյե Նեդերհոստը ամուսնացած է եղել երկու անգամ, ունեցել է մեկ երեխա։ 1998 թվականի հուլիսին նա ամուսնացել է փաստաբան Սանդերա Դիկոֆայի հետ, սակայն այդ ամուսնությունը վերջանում է ամուսնալուծությամբ։ 2003 թվականի սեպտեմբերի 17-ին երկրորդ անգամ ամուսնանում է Դիանդա Վուստհոֆայի հետ։

Որդու ծնվելուց հետո Գուզյեն իմանում է, որ նա հիվանդ է կրծքագեղձի քաղցկեղով։ 2004 թվականի հունվարի 29-ին նա մահանում է հենց այդ հիվանդությունից և թաղվում է 2004 թվականի փետրվարի 4-ին, երբ նա պետք է դառնար 35 տարեկան։ Հուղարկավորման արարողությանը ներկա էին այնպիսի հայտնի մարդիկ, ինչպիսիք են Ջոնի դե Մոլը, Կատյա Սխյուրմանը, Քրիս Զեգերսը, Վենդի վան Դեյկը։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 ^2,2 ^2,3 ^2,4 Online Dictionary of Dutch Women (նիդերլ.)

Արտաքին հղումներ[խմբագրել | խմբագրել կոդը]

Գուզյե Նեդերհոստը Internet Movie Database կայքում (անգլ.)
Գուզյե Նեդերհոստը ԿինոՊոիսկ կայքում
Գուզյե Նեդերհոստը Find a Grave կայքում

Վիքիպահեստն ունի նյութեր, որոնք վերաբերում են «Գուզյե Նեդերհոստ» հոդվածին։

[_377f5f4dfb0618c2-1] 1,0 ^1,1 ^1,2 ^1,3 ^1,4 Internet Movie Database — 1990.

[_6789f84df5e34737-2] 2,0 ^2,1 ^2,2 ^2,3 ^2,4 Online Dictionary of Dutch Women (նիդերլ.)

[1]

[2]