Գագիկ Ստամբոլցյան
 | |
|---|---|
| Ծնվել է | հունիսի 18, 1957 (66 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1980) և Եյլի համալսարան (1991) |
| Մասնագիտություն | քաղաքական գործիչ և թերապևտ |
| Պաշտոն | Հայաստանի Ազգային ժողովի պատգամավոր |
Գագիկ Գրիգորի Ստամբոլցյան (հունիսի 18, 1957, Երևան, Հայկական ԽՍՀ, ԽՍՀՄ), հայ պլաստիկ վիրաբույժ։ ՀՀ առողջապահության նախարար (1997-1998)։ Ռուսաստանի բնական գիտությունների ակադեմիայի անդամ (1999)։
Կենսագրություն[խմբագրել | խմբագրել կոդը]
Գագիկ Ստամբոլցյանը ծնվել է Երևանում։ 1980 թվականին ավարտել է Երևանի պետական բժշկական ինստիտուտը, 1981 թվականին՝ Երևանի շտապ օգնության թիվ 1 հիվանդանոցի ինտերնատուրան, 1983-1985 թվականներին կլինիկական օրդինատուրան անցել է Մոսկվայի Վիրաբուժության համամիութենական գիտական կենտրոնի Ընդհանուր վիրաբուժության բաժանմունքում։ 1980-1983 թվականներին եղել է Երրորդ կլինիկական հիվանդանոցի ընդհանուր վիրաբույժ, 1985-1990 թվականներին՝ Վիրաբուժության համամիութենական գիտական կենտրոնի վիրաբույժ։ 1990-1991 թվականներին վերապատրաստվել է Յեյլի համալսարանում։
1991-1994 թվականներին աշխատել է Միքայելյան վիրաբուժության ինստիտուտում բաժնի վարիչ, պլաստիկ վիրաբուժության կենտրոնի ղեկավար, 1994-1997 թվականներին` «Էրեբունի» բժշկական կենտրոնի բաժնի վարիչ։ 1997-1998 թվականներին եղել է ՀՀ առողջապահության նախարար։ 1998-2000 թվականներին եղել է Երևանի վերականգնողական վիրաբուժության կենտրոնի տնօրեն, 2000-2003 թվականներին` «Սուրբ Ներսես Մեծ» բժշկական համալիրի գործադիր տնօրեն։ 2003 թվականի մայիսի 25-ից դեկտեմբերի 3-ը եղել է ՀՀ Ազգային Ժողովի պատգամավոր, բնապահպանության, առողջապահության, սոցիալական հարցերով մշտական հանձնաժողովի նախագահի տեղակալ[1]։ 2003-2012 թվականներին եղել է «Քանաքեռ-Զեյթուն» բժշկական կենտրոնի տնօրեն։ 2012 թվականին հիմնադրել և ղեկավարում է «Ավանգարդ Մեդ» բժշկական կենտրոնը[2]։ 2013 թվականին կազմակերպել և ղեկավարել է «Պլաստիկ վիրաբուժության տեխնոլոգիական ինովացիաների 4-րդ միջազգային կոնգրեսը»[3]։
Անդամակցություն[խմբագրել | խմբագրել կոդը]
- Հայաստանի պլաստիկ ռեկոնստրուկտիվ և Էսթետիկ վիրաբույժների ասոցիացիայի անդամ (AAPRAS)
- Եվրոպայի պլաստիկ ռեկոնստրուկտիվ և Էսթետիկ վիրաբույժների միության անդամ (ESPRAS)
- Պլաստիկ ռեկոնստրուկտիվ և Էսթետիկ վիրաբուժության միջազգային կոնֆեդերացիայի անդամ (IPRAS)
- Պլաստիկ ռեգեներատիվ վիրաբուժության միջազգային միության անդամ (ISPRES)
- Պլաստիկ էսթետիկ վիրաբուժության եվրոպական ասոցիացիայի անդամ (EAES)
- Ռուսաստանի բնական գիտությունների ակադեմիայի անդամ (1999)
Պարգևներ[խմբագրել | խմբագրել կոդը]
- ԵրՊԲՀ ոսկե մեդալ
- Ֆրիտյոֆ Նանսենի մեդալ
Ծանոթագրություններ[խմբագրել | խմբագրել կոդը]
- ↑ «National Assembly of Armenia | Official Web Site | parliament.am». www.parliament.am. Վերցված է 2016 թ․ նոյեմբերի 12-ին.
- ↑ admin. «ԱՎԱՆԳԱՐԴ Բժշկական կենտրոն». www.armproduct.am (ամհարերեն). Արխիվացված է օրիգինալից 2017 թ․ ապրիլի 20-ին. Վերցված է 2016 թ․ նոյեմբերի 12-ին.
- ↑ «Գագիկ Ստամբոլցյան». www.med-practic.com. Վերցված է 2016 թ․ նոյեմբերի 12-ին.
| ||||||||||||||
.svg)
- Հունիսի 18 ծնունդներ
- 1957 ծնունդներ
- Ապրող անձինք
- Երևան քաղաքում ծնվածներ
- Երևանի պետական բժշկական համալսարանի շրջանավարտներ
- Եյլի համալսարանի շրջանավարտներ
- Բժիշկներ այբբենական կարգով
- Անձինք այբբենական կարգով
- Հայաստանի Հանրապետության առողջապահության նախարարներ
- Հայ բժիշկներ
- Հայ թերապևտներ
- Հայ քաղաքական գործիչներ
- ՀՀ Ազգային ժողովի պատգամավորներ
- Հայ վիրաբույժներ